Lojërat Olimpike Verore 2020
Lojërat Olimpike Verore 2020 (Japonisht: 2020年夏季オリンピック, Hepburn: Nisen Nijū-nen Kaki Orinpikku), zyrtarisht Lojërat e Olimpiadës XXXII (第三十二回オリンピック競技大会, Dai Sanjūni-kai Orinpikku Kyōgi Taikai) është një ngjarje ndërkombëtare me shumë sporte që po zhvillohet aktualisht nga 23 korrik deri më 8 gusht 2021 në Tokio, Japoni, me disa ngjarje paraprake që fillojnë më 21 korrik.
Tokio u zgjodh si qyteti pritës gjatë Sesionit të 125-të të IOC-së në Buenos Aires, Argjentinë, më 7 shtator 2013.[1] Fillimisht ishte planifikuar të zhvillohej nga 24 korrik deri në 9 gusht 2020, ngjarja u shty në mars 2020 si rezultat i pandemisë COVID-19 dhe mbahet kryesisht me dyer të mbyllura pa lejuar spektatorë publik nën gjendjen e jashtëzakonshme. Pavarësisht se është planifikuar për në vitin 2021, ngjarja ruan emrin Tokio 2020 për qëllime marketingu dhe marke.[2] Kjo është hera e parë që Lojërat Olimpike shtyhen dhe riplanifikohen, në vend që të anulohen.[3] Lojërat Paraolimpike Verore do të mbahen midis 24 gushtit dhe 5 shtatorit 2021, 16 ditë pas përfundimit të Lojërave Olimpike.[4]
Lojërat 2020 janë Lojërat e katërt Olimpike që do të mbahen në Japoni, pas Lojërave të Tokios 1964 (Verore), Sapporo 1972 (Dimërore) dhe Nagano 1998 (Dimërore). Tokio do të priste Lojërat Olimpike Verore 1940 por u tërhoq në 1938 për shkak të luftës. Tokio është qyteti i parë në Azi që zhvillon Lojërat Verore dy herë. Lojërat 2020 janë e dyta nga tre Olimpiadat radhazi që do të mbahen në Azinë Lindore, pas Lojërave Olimpike Dimërore 2018 në Pyeongchang, Koreja e Jugut dhe para Lojërave Olimpike Dimërore 2022 në Pekin, Kinë.
Referime
[Redakto | Redakto nëpërmjet kodit]- ↑ "Olympics 2020: Tokyo wins race to host Games". BBC Sport (në anglisht). 7 shtator 2013. Arkivuar nga origjinali më 7 qershor 2015. Marrë më 13 shkurt 2018.
- ↑ Multiple sources:
- McDonald, Scott (25 mars 2020). "The Reason why Olympics in 2021 will still be called the 2020 Olympic Games". newsweek.com (në anglisht). Arkivuar nga origjinali më 1 prill 2020. Marrë më 30 mars 2020.
- "Tokyo to be put under state of emergency for duration of 2020 Olympic Games". the Guardian (në anglisht). 8 korrik 2021. Marrë më 23 korrik 2021.
- ↑ "Olympics history: Have the Games been postponed before?". Los Angeles Times (në anglisht). 24 mars 2020. Arkivuar nga origjinali më 29 mars 2020. Marrë më 29 mars 2020.
- ↑ "Tokyo Olympics to start in July 2021". BBC Sport (në anglisht).