Përdoruesi:Tearbesa/Kosova - Histori e shkurtë

Kosova -Histori e shkurtë është një libër i shkruar nga Noel Malcolm. Ky libër është publikuar në vitin 1998 nga shtëpia botuese “Macmillan” dhe përmban 492 faqe. Autori i veprës e paraqet një pasqyrim objektiv të Kosovës gjatë luftës me Serbinë.

Subjekti

Autori e pa të arsyeshme që të shkruhet një libër që do të “shkatërronte” pretendimet e pavërteta rreth historisë së Kosovës. Ky libër përfshinë gjithë Ballkanin duke përfshirë edhe Perandorinë Otomane. Ai pohon se Kosova duhet të jetë e lirë dhe teoritë mitike serbe duke përfshirë edhe mitin te refuzohen. Libri flet për vitet 1980 e më saktësisht gjendjen e krijuar në Kosovë ku si pikë kyqe ka periudhën e Jugosllavisë dhe konfliktin jugosllav dhe pjesën e luajtur nga Evropa Perëndimore në shkatërrimin e saj.Libri përpiqet të përfshij të gjithë historinë nga fundi i Perandorisë Romake e deri më sot poashtu ka tentuar që të refuzoj pretendimet nacionaliste serbe të cilat janë përmendur në monografitë e shumta serbe që ndikuan në tekstet perendimore.Ai i hedh poshtë pretendimet që Kosova është djepi i serbëve në Ballkan, duke u bazuar në faktin se serbët erdhën ne Ballkan në shekullin e 7 pastaj duke u zëvendësuar nga sundimi Otoman në shekullin e 15. Ai nuk shfaq as më të voglin dyshim që Kosova do të pavarësohet dhe do të ndahet nga Serbia por ka dyshime se si ky proces do të zhvillohet.

Kriticizmi

Vepra e Noel Malcolm, Kosova-histori e shkurtë ka hasur edhe në kritika të shumta, sepse veprën dhe qendrimin e autorit e kanë cilësuar jo neutrale dhe për shkak të mungesës së konsultimit me arkivat e Serbisë. Një ndër kritikueset/it ka qenë Aleksa Djilas sipas te cilit Malcolm nuk ka qenë neutral por ka anuar nga shqiptarët.Por sipas Melanie McDonagh nga instituti i Bosnjes kritika e Aleksa Djilas ka qenë me një qasje nacionaliste dhe sipas Norman Cigar nga Univeristeti Marine Corps thoshte se Djilas tentonte të krijonte mite që të legjitimizohen veprimet serbe në Kosovë. Malcolm tregon shkathtësi të admirueshme në pastrimin e miteve, gjysmë të vërtetave dhe udhëzon lexuesin përmes debateve që kanë të bëjnë me origjinën dhe identitetin e banorëve në rajonin e Kosovës.”Malcolm ka të drejtë të insistojë që serbët dhe shqiptarët që propozojnë një ndarje të plotë midis dy kombeve të tyre, injorojnë ndikimin që rajoni ka pasur mbi ta”-Christian A. Nielsen.