Shkolla e mesme "Petro Nini Luarasi"

Nga Wikipedia, enciklopedia e lirë
Jump to navigation Jump to search



Petro Nini Luarasi është shkollë që ndodhet në juglindje të Tiranës, në rrugën "Sami Frashëri" dhe është ndërtuar në vitin shkollor 1959-1960 me destinacion shkollë e mesme 11-vjeçare, Sipas kësaj strukture I-IV , V-VII , VIII-XI.

Drejtori i parë i kësaj shkolle ka qenë Riza Hajro (1959-1966) dhe më pas Kristaq Papapavli (1966-1967), Ylvi Basha (1967-1968), Manol Muscko (1968-1969), Rodolf Paparisto (1970-1986), Jetmir Aliçka (1986-1989), Violeta Qirjazi (1989-1992), Gjergj Konomi (1992-2002), Kostandina Çollaku (2002-2006), Diana Kalemi (2006-2014) Teuta Braçe, Fabio Linxa (2017-2020)

Fillimisht shkolla ka pasur rreth 1000 nxënës nga të gjitha ciklet, me 30 paralele dhe pranonte nxënës nga këto shkolla 7-vjeçare: Emin Duraku, 11 Janari (Edith Durham), Vasil Shanto, Luigj Gurakuqi, Alqi Kondi, Kostandin Kristoforidhi, Labinoti etj.

Sukseset që arriti shkolla në ciklet e procesit mësimor gjatë drejtimit të Riza Hajro e nxitën ministrinë e arsimit të shpallte shkollën P.N.L shkollë "eksperimentale" (pilotë) për hapjen e përvojës së përparuar.

Për të përmirësuar procesin mësimor edukativ, pas vitit 1968 u ngritën laboratorët mësimore, këndi sportiv ushtarak më i mirë në republikë, emulacioni pedagogjik, rregullimi estetik i mjedisit brenda dhe jashtë shkollës, në vitet 70-80 shkolla i kushtoi vëmendje punës studimore - shkencore e pedagogjike për të rritur nivelin e kuadrit pedagogjik, cilësinë e procesit të mësimdhënies e përvetësimit, lidhjen e mësimit me jetën.

Në vitet 86-90 u bënë një sërë përmirësimesh si rikonstruksioni kapital i shkollës, shtesa e godinës, rrethimi i shkollës, veshja me terakota e fasadës, mbjellja e 40 pemëve dekorative, ngritja e laboratorëve bashkëkohorë të kimisë dhe gjuhëve të huaja dhe ngritja e 2 palestrave të reja të forcës dhe aerobisë. Shkolla është shquar gjatë gjithë kohës për numrin e lartë të nxënësve me notën mesatare mbi 8. Numri i nxënësve të shkollës P.N.L që kanë vazhduar shkollën e lartë është shumë i lartë si dhe numri i nxënësve fitues në olimpiada, konkurse apo aktivitete.

Në këtë shkollë kanë qënë nxënës shumë figura të shquara në politikë, qeverisje apo kulturë si: Prof. Dr. Skënder Gjinushi (ish-ministër i Arsimit, ish-kryetar i Parlamentit), Prof. Dr. Maremglen Spiro (ish-rektor i Universitetit të Tiranës), Vilson Ahmeti (ish-kryeministër), Albert Brojka (ish-kryebashkiak i Tiranës), Faruk Sejdini (ish-trajnier i Dinamos), Valbona Selimllari (Miss-i i parë), Gisela Bramo (Miss Tirana), Bujar Kapexhiu (aktor), Elsa Lila (këngëtare). Nga kjo shkollë doli grupi i parë i këngës i quajtur "Matura 72", grupi "Ritfolk", "2Farm", "Produkt 28", "West Side Family" etj.

Shkolla ka pasur edhe gazetën si mjet për trajtimin e problemeve të nxënësve.

Në vitin 2001 filloi rikonstruksioni kapital i shkollës e cila siguron sot kushte komode për zhvillimin e procesit mësimor.

Në vitin 2002-2003 shkolla u përfaqësua në aktivitete kombëtare ku zuri vend të parë në konkursin e poezisë, prozës dhe informatikës.