Sulejman Uglanin

Sulejman Uglanin
Kryetar i Këshillit Nacional Boshnjak në Serbi
Të dhëna vetjake
U lind më	20 nëntor 1953 Mitrovicë
Partia politike	Partia e Aksionit Demokratik të Sanxhakut

Dr. Sulejman Uglanini - kryetar i Partisë Aksionit Demokratik të Sanxhakut dhe kryetar i Këhillit Nacionale Boshnjak në Serbi.

Jeta

Uglanin ka lindur më 20 nëntor 1953 në "Mëhallën e Boshnjakëve" të Mitrovicës, nga babai Murati dhe nëna Vehibja, është fëmija i pestë me radhë nga shtatë fëmijët e këtij çifti bashkëshortor.

Ai është i martuar me Mersija (Çapriqi). Ka katër fëmijë, tre vajza dhe një djalë.

Uglanin është doktor i stomatologjisë dhe specialist në protetikën e dhëmbëve.

Fakultetin e Stomatologjisë dhe tre vite të specializimit në protetikë të dhëmbëve i ka përfunduar në Sarajevë. Studimet pasuniversitare i ndërpreu gjatë semestrit të fundit për shkak të luftës në Bosnje dhe Hercegovinë në prill të vitit 1992.

Si dentist punoi dymbëdhjetë vite në Novi Pazar dhe ishte i angazhuar në punën kërkimore shkencore.

Nga fillimi i krizës jugosllave është përkushtuar për mbrojtjen e të drejtave të njeriut, civile dhe kombëtare të boshnjakëve dhe të ndërtimit të demokracisë në ish-Jugosllavi, duke përfshirë edhe zgjidhjen e statusit të Sanxhakut.

Aktivisht është marrë me sport, boks, nga viti 1969 në 1979.

Veprimtaria politike

Në kuvendin themelues të Partisë së Veprimit Demokratik (SDA) më 26 maj 1990 në Sarajevë, u zgjodh anëtar i Bordit Ekzekutiv të Partisë;

Në Kongresin Partisë së Veprimit Demokratik të Jugosllavisë, presidenti i së cilës ishte i ndjeri Alija Izetbegoviq, 30 11 1091 në Sarajevë, u zgjodh nënkryetar i Partisë;

Kryetari i Partisë së Veprimit Demokratik (SDA) të Sanxhakut nga data 29 korrik 1990;

Në zgjedhjet për presidentin e Serbisë, në dhjetor 1990, ai mori 109.500 vota (vendi i katërt nga 33 kandidatë);

Uglanin është themeluesi i Këshillit Kombëtar Boshnjak (BNV) të Sanxhakut, i themeluar më 11 maj 1991;

Në zgjedhjet e nëntorit 1996 u zgjodh deputet federal në Dhomën Qytetare të Asamblesë Federale të RFJ-së nga Koalicioni "Lista për Sanxhak" - dr. Sulejman Uglanin ".

Nga viti 1991, mori pjesë aktive në një numër të amsh forumesh ndërkombëtare që merren me zgjidhjen e krizës jugosllave, edhe atë në: Konferencën Ndërkombëtare për Minoritetet në vitin 1991;

Komisionin për Evropën Juglindore të Parlamentit Evropian, shtator 1991;

Konferencën e Paqes për ish-Jugosllavinë në Hagë-Holandë, Shtator, Tetor dhe Nëntor 1991;

Samitin e CSCE në Helsinki më 29 qershor 1992, kur u mor vendimi për dërgimin e misionit të KSBE-së në Sanxhak, Kosovë dhe Vojvodinë; Konferencën Ndërkombëtare për ish Jugosllavinë në Londër 26-28. Gusht 1992;

Konferencën Ndërkombëtare për ish-Jugosllavinë në Gjenevë, 1992, 1993 dhe 1994;

Samitin e Udhëheqësve të OIC në Kazablanka - Marok, 12-15. Dhjetor 1994;

Asamblenë e Përgjithshme e UNPO në Hagë-Holandë, 20-26. Janar 1995 dhe fjalim në Konferencën për Parandalimin e Konflikteve; Samitin e tetë të OIC në Teheran, 9-11 shtator Dhjetor 1997;

Nga 14 shtatorit 1993 deri më 30.09. të viti 1996 ishte në egzil për shkak se autoritetet në Beograd e penguan të kthehej në vend duke lëshuar një urdhër arrest, deri sa ishte duke marrë pjesë në Konferencën Ndërkombëtare për ish Jugosllavinë në Gjenevë.

Më 11 korrik të vitit 1997 iu morr imuniteti i deputetit dhe filloi procesi i montuar politik, si kryetar i KKB të Sanxhakut dhe si kryetar i PAD (SDA) të Sanxhak, i akuzuar pa bazë për recesion dhe veprimtari armiqësore. Procesi u pezullua në vitin 2009.

Në zgjedhjet e drejtpërdrejta në shtator 2004, u zgjodh President i Bashkisë së Novi Pazarit. Gjatë mandatit të tij, komuna ka marrë statusin e qytetit, Novi Pazari ka Universitetin Shtetëror dhe filloi një seri të projekteve të zhvillimit.

Në viti 2008 u zgjodh ministër në qeverinë e Serbisë , ku themeloi Zyrën për zhvillim të qëndrueshëm të zonave të pazhvilluara, të cilit udhëhoqi deri në vitin 2014. Zyra ka arritur suksese të konsiderueshme në fushën e zhvillimit të qëndrueshëm të komunave të pazhvilluara.

Në zgjedhjet parlamentare të mbajtura më 16 mars 2014, u zgjodh deputet në Parlamentin serb. PAD ( SDA) formoi klubin e deputetëve të pakicave PAD -PDD të pakicës në parlamentin serb me përfaqësuesit politikë të shqiptarëve të Luginës së Preshevës.

Bartësi i listës "Për unitetin bosnjak", e cila listë në zgjedhjet për Këshillin Kombëtar Boshnjak, më 26 tetor 2014, fitoi 19 vende (nga 35) dhe u zgjodh President i Këshillit Kombëtar Boshnjak.

Në Asamblenë e tetë të PAD (SDA) të Sanxhakut të mbajtur më 9 dhjetor 2017, u zgjodh President i Partisë.

Presidenti dr. Sulejman Uglanin ka fituar çmime të shumta vendore dhe ndërkombëtare, ndër të tjera, është bartës i mirënjohjes për punë politike dhe angazhim për një politikë të jo-dhunës së Asamblesë së Përgjithshme të UNPO (Unrepresented Nations and Peoples Organization), të mbajtur në Talin të Estoni në vitin 1997.

Shih edhe

• Mitrovica
• Novi Pazari