Tipet E Kompjuterëve

Kompjuteri Mainframe

Mainframet janë kompjutera të mëdhenjë,të fuqishëm dhe të shtrenjtë në prapavi të shumicës së organizatave të mëdha (si kompanitë e sigurimeve). Fuqia e tyre mund t'u shpërndahet shumë njerëzve, duke iu qasur mainframe-it përmes PC-ve të tyre.

Kompjuteri personal (PC)

Termi PC (Personal Computer) për herë të parë është përdorur në vitin 1981,atëherë kur IBM ka shpikur kompjuterin e parë personal. Kompjuteri personal (PC) është mikrokompjuter që mund të përdoret nga një shfrytëzues dhe është i përshtatshëm për kryerjen e punëve të ndryshme, si programim, kalkulime, procesimin e fjalëve etj. Në ditët e hershme shumica e kompjuterëve personalë punojnë në sistemin operativ të quajtur DOS (Disc Operating System). Tani shumica e kompjuterëve personalë punojnë në njërin prej versioneve të Microsoft Windows-it.

Macintosh

Apple Macintosh,i njohur shkurt si Mac hyn në familjen e kompjuterëve personalë (PC) dhe është prodhuar nga Steve Jobs, Apple Computers në vitin 1984. Ai shfrytëzon sisteme operative të ndryshme dhe versione speciale të programeve aplikative. Macintosh është shumë i sigurtë pasi ai ka pajtueshmëri te vogël me programet, që do të thotë se lejon një numër të vogël programesh që të shkarkohen në të.

Kompjuteri i rrjetit

Rrjeti ju mundëson kyçjen e dy e më shumë kompjuterëve së bashku,me qëllim të shfrytëzimit të përbashkët të të dhënave si dhe burimeve të tjera si p.sh printerit,skanerit etj.

Laptopët dhe kompjuterët palmtop

Laptop, një kompjuter me madhësi aq të vogël sa të vendoset në prehër të përdoruesit. Është i njohur edhe si notebook kompjuter. Laptopi është një PC mobil që zakonisht peshon prej 1 deri në 3 kg. Kompjuterët që janë më të mëdhenj se PDA-të (Personal Digital Assistant- pajisje që mbahet në dorë dhe shërben për organizimin e shënimeve personale) dhe më të vegjël se notebook-at quhen Palmtop.

PDA (Personal Digital Assistant)-Ndihmësi personal digjital

Këto pajisje janë të vogla për nga madhësia. Për përdorimin e PDA-ve zakonisht nevojitet një laps special,me të cilin ekzekutohen detyrat e dëshiruara, apo edhe futen të dhënat në pajisje. Si shumica e kompjuterëve edhe këta përkrahin qasjen në internet.

	Kapaciteti	Shpejtësia	Kostoja	Shfrytëzuesit tipik
Mainframe	Kompjuterë shumë të fuqishëm	Shumë më të shpejtë se PC-të	Shumë të shtrenjtë	Kompanitë e mëdha
PC	Me hard disk dhe RAM të madh	Të shpejtë (maten në GHz)	Çdo ditë e më e lirë	Shfrytëzuesit shtëpiak,ata në zyrë etj.
Kompjuter i rrjetës	Me hard disk dhe RAM të madh	Të shpejtë (maten në GHz)	Çdo ditë e më e lirë	Shfrytëzuesit e rrjetave
Laptop	Me hard disk dhe RAM të madh|Me hard disk dhe RAM të madh	Të shpejtë (maten në GHz)	Më të shtrenjtë se Pc me fuqi të njëjtë	Biznismenët,ata që lëvizin etj.
Palmtop	Me hapësirë të ruajtjes më të vogël se PC	Shumë më të ngadalshëm se PC	Në krahasim me PC janë më shtrenjtë	Biznismenët
PDA	Me hapësirë të ruajtjes më të vogël se PC	Shumë më të ngadalshëm se PC	Në krahasim me PC janë më shtrenjtë	Biznismenët