Toto

Toto
Toto
Të dhëna
Prejardhja	Los Angeles, Kaliforni, Shtetet e Bashkuara
Zhanret	Rock, pop rock, hard rock, progressive rock, jazz fusion
Vitet aktive	1977 - 2008, 2010 - prezent
Shtëpitë diskografike	Sony BMG, Columbia Records, Frontier Records, Toto Recordings Inc.
Faqja zyrtare	www.totoofficial.com
Anëtarët	Steve Lukather; David Paich; Steve Porcaro; Joseph Williams; Keith Carlock
Ish-anëtarët	Jeff Porcaro; Bobby Kimball; David Hungate; Mike Porcaro; Fergie Frederiksen; Jean-Michel Byron; Simon Phillips; Greg Phillinganes

Toto është një rock bend amerikan i themeluar në vitin 1977 nga disa nga session muzikantët më të njohur të asaj kohe. Bendi arriti sukses të madh në vitet e '80-ta, duke filluar me debut albumin e titulluar sipas emrit të bendit (1978), i cili menjëherë e solli bendit në skenën e rock-ut të rrymës qëndrore. Duke vazhduar me albumin e suksesshëm të vitit 1982 Toto IV, Toto u bënë një ndër grupet më të shitura të kohës së tyre. Ata gjithashtu kompozuan muzikë për filmin Dune. Edhe pse fama e tyre në Shtetet e Bashkuara filloi të binte në vitet e '90-ta dhe '00-ta, ata vazhduan të bënin turne nëpër stadiume, klube dhe teatro në të gjithë botën. Toto janë të njohur për aftësitë teknike të instrumentalistave, si dhe për stilin muzikor që kombinon elementet e zhanreve pop, rock, soul, funk, progressive rock, hard rock, R&B, dhe jazz, duke i joshur kështu edhe muzicientët e edhe dëgjuesit e zakonshëm njëkohësisht. Bendi ka lansuar 17 albume dhe ka shitur më shumë se 30 milion albume.