Vullnet Sefaja

Nga Wikipedia, enciklopedia e lirë



Vullnet Sefaja ka lindur ne vitin 1976 ne Mitrovice. Është vokalist i grupit Marigona.Grupi “Marigona” është themeluar në vitin 1991 nga Faton Kurteshi në qytetin e Mitrovicës. Vokalist i grupit është Vullnet Sefaja po ashtu nga Mitrovica.

Fatoni dhe Vullneti kanë ardhur me një rrëfim për historikun e grupit në emisionin “Histori Suksesi” në RTV Dukagjini.Fatoni tregon se grupi në fillim kishte bërë muzikë në disa kafiqa të vegjël në Mitrovicë, ndërsa emri ndërlidhet me figurën historike të Marigonës.

Themeluesi i grupit tregon se në vitet e para të themelimit ka pasur disa këngë që nuk kanë mundur të publikohen për shkak të situatës në të cilën ishte Kosova.

Kurteshi thotë se për t’u futur në treg në vitet e ’90 gjëja e parë ka qenë të mund të futesh videokasetat e vitit të ri.

“Për të mundur të futesh në kasetat e vitit të ri, na është dashur pak ta transformojmë stilin. Me këngën “O lopët e mija” ia arritëm të depërtonim”.

Vokalisti Vullnet Sefaja thotë se albumi i dytë i grupit i publikuar në vitin 2002 e bëri grupin shumë të njohur por ai tregon edhe arsye tjera të këtij suksesi.

“Në vitin 2002 televizionet ishin në dispozicion të gjithë këngëtarëve. Të them të drejtën edhe nuk kishte shumë grupe e këngëtarë në atë kohë”.


Vullneti ka thënë se ëndrra e tij është të bëj një këngë gëzimi për Mitrovicën, dhe sipas tij në atë moment nuk do ta kishte aspak problem që të lente muzikën./Telegrafi/