Ylli i kuq vezullues (roman)

Nga Wikipedia, enciklopedia e lirë
Jump to navigation Jump to search

Ylli i kuq vezullues është një roman propagandistik popullor për fëmijë i shkrimtarit Li Sen Tje i botuar në vitin 1972,[1] gjatë Revolucionit Kulturor kinez (1966-1977). I përkrahur nga Partia Komuniste Kineze, libri vitin e parë u botua në 3 milionë kopje në atë vend u serializua për radio, u kthye në film të studios filmike "1 gushti" të Ushtrisë së Kuqe kineze në vitin 1974.[1] Në vitin 2007 u prodhua një film vizatimor mbështetur mbi atë roman. Në shqip romani u soll në vitin 1975 nga Sotir Çaçi.[2]

Romani tregon kalimin e Pan Tunxesë (Djalit të dimrit)[3], një djaloshi fshatar nga provinca juglindore kineze Xhanqi (Jiangxi), nga një fëmijë i lumtur në një ushtar të revoltuar të Ushtrisë së Kuqe gjatë viteve tridhjetë.

Kur largohet për t'iu bashkëngjitur shokëve të tij të Ushtrisë së Kuqe, i ati i lë Tunxesë një yll të kuq. Pronari i tokave Hu Hansan kthehet në fshatin e Tunxes ku sillet aq keq me fshatarët saqë i detyron të revoltohen dhe ta përzënë. Por gjatë këtyre trazirave, e ëma e Tunxes vdes e djegur në shtëpi të saj.

I kalitur nga vdekja e të ëmës, Tunxeja i bashkohet një grupi guerriljesh dhe arrin të vrasë Hu Hansanin. Kur i kthehet i ati në fshat, Tunxeja i bashkohet si ushtari më i ri i Ushtrisë së Kuqe, në front kundër japonezëve gjatë Luftës së Dytë kino-japoneze. Ai vë yllin e kuq në kasketë.

Referime[Redakto | Redakto nëpërmjet kodit]

Lidhje të jashtme[Redakto | Redakto nëpërmjet kodit]