Kryetarët e Shqipërisë

Kryetarët e Shqipërisë. Që nga themelimi më 28 nëntor 1912, Shteti Shqiptar ka provuar disa modele qeverisjeje, përfshirë protektoratin ndërkombëtar, monarkinë, regjimin një partiak si dhe republikën parlamentare. Gjatë kësaj periudhe funksioni i Kryetarit të Shtetit është ushtruar në forma të ndryshme.

Më 1912 u krijua qeveria e parë me Ismail Qemalin në krye, e cila kishte edhe kompetencat e Kryetarit të Shtetit.

Më 6 shkurt 1914, Konferenca e Ambasadorëve emëroi Princin Wilhelm Wied si Kryetar të Shtetit shqiptar.

Në periudhën shtator 1914 – janar 1920, Shqipëria u bë shesh lufte duke ndërruar disa qeveri, ku detyra e Kryetarit të Shtetit u mbulua nga qeveri-regjenca të ndryshme.

Më 8 janar 1920 Kongresi i Lushnjës, zgjodhi Këshillin e Lartë prej 4 vetash, i cili do të kryente funksionet e Kryetarit të Shtetit. Duke rikthyer parlamentarizmin në vitin 1924 Fan Noli u zgjodh kryetar i qeverisë, duke ushtruar edhe funksionet e Kryetarit të Shtetit.

Pas ndryshimeve të shpeshta në qeverisje, më 31 janar 1925 Asambleja Kombëtare miratoi formën republikane të regjimit dhe votoi Ahmet Zogun si President të Republikës. Më 1 shtator 1928 Shqipëria u shpall Monarki dhe Ahmet Zogu u shpall Mbret i Shqipëtarëve. Pas pushtimit të Shqipërisë nga Italia në prill 1939 dhe bashkimit të dy vendeve, Viktor Emanueli III u bë Mbret i Shqipërisë. Vitet 1943-‘44 nën pushtimin gjerman rikthejnë qeverisjet – regjenca.

Përfundimi i luftës së Dytë Botërore dhe çlirimi i Shqipërisë më 1944 u shoqërua me zgjedhjet e para parlamentare të dhjetorit vitit 1945 dhe me kalimin e funksionit të Kryetarit të Shtetit në organ kolegjial, si Presidium i Kuvendit Popullor. Në periudhën 11 janar 1946 – 12 dhjetor 1990, gjatë të cilës Shqipëria udhëhiqej nga komunistët, funksionet e Kryetarit të Shtetit u kryen nga Omer Nishani (10 janar 1946 - 1 gusht 1953), Haxhi Lleshi (1 gusht 1953 - 22 nëntor 1982) dhe Ramiz Alia (22 nëntor 1982 – 22 shkurt 1991). Më 22 shkurt 1991 u krijua Këshilli Presidencial i drejtuar nga Ramiz Alia, i cili i ushtroi funksionet deri më 30 prill 1991.

Më 30 prill 1991 me zgjedhjen e Presidentit të parë të Republikës parlamentare nga ana e një parlamenti shumëpartiak, krijohet Institucioni kushtetues i Presidentit të Republikës.

Lista e kryetarëve të Shqipërisë

Kjo është lista e kryetarëve të Shtetit Shqiptar

#	Presidenti		Marr adminstratimin	Lëshoj adminstratimin	Partia
1	Ismail Qemali		1912	1914 (Kryetar i Qeverisë së Përkohshme)	asnjë
2	Vilhelm Vidi		1914	1925 ( Mbret në ekzil)	asnjë
3	Ahmet Zogu		1925 1928	1928 1939 (Mbret)	asnjë
4	Enver Hoxha		1944	1946	Partia Komuniste
5	Omer Nishani		1946	1953	Partia e Punës e Shqipërisë
6	Haxhi Lleshi		1953	1982	Partia e Punës e Shqipërisë
7	Ramiz Alia		1982 1991	1991 (Kryetar i Presidiumit të Kuvendit Popullor) 1992 (president)	Partia e Punës e Shqipërisë
8	Sali Berisha		1992	1997	Partia Demokratike
9	Rexhep Mejdani		24 Korrik 1997	24 Korrik 2002	Partia Socialiste
10	Alfred Moisiu		24 Korrik 2002	24 Korrik 2007	asnjë
11	Bamir Topi		24 Korrik 2007	-	Partia Demokratike