Afërdita Taçi

Nga Wikipedia, enciklopedia e lirë

Afërdita Taçi lindi në Berat në vitin 1932, aktore e cila debutoi dhe interpretoi ne skene role te paharruar per shikuesit. Aferdita ishte nje nga aktoret me te cmuara dhe te vleresuara ne periudhen 1954-1965.

Studimet e mesme i kreu në Liceun Artistik “Jordan Misja” në degën e dramës. Në vitin 1954 ajo filloi punë në Teatrin Popullor. Që në fillim ajo u dallua në skenën e teatrit si një aktore që ngjallte emocione si dhe një aktore me shumë nur skenik. Ajo ka luajtur me sukses shumë role kryesore, si tek "Hamleti", "Shtëpia e Bernarda Albës", "Borgjezi fisnik", "Gratë gazmore të Uindsorit", "Shtrëngata", "Mbi gërmadha", "Kopeshti i Jargavaneve", "Nderi i familjes", "Shok klase", "Familja e peshkatarit" ,etj...

Por ajo mbeti e paharruar për rolin e Ofelisë tek tragjedia “Hamleti”. Në Festivalin Kombëtar të Teatrove në vitin 1961, Afërdita mori çmim të parë për rolin e Ofelisë. Gjithashtu u dekorua edhe me urdhërin e punës së klasit të tretë. Në vitin 1965 Afërdita Taçi largohet nga skena e Teatrit Popullor, për arsye objektive.


Ky artikull në lidhje me një aktor është i cunguar. Ju mund të ndihmoni Wikipedinë duke e përmirësuar atë.