Ajten Mehmeti

Nga Wikipedia, enciklopedia e lirë
Ajten Mehmeti
Emri Ajten
Mbiemri Mehmeti
Lindur më 1962
Lindur në Shkup
Kombësia shqiptare
Shtetësia maqedone, jugosllave
Profesioni gazetare rtp

Ajten Mehmeti lindi në Shkup më vitin 1962, është gazetare shqiptare.

I takon gjeneratës së gazetarëve dhe figurave televizive që vepruan në vitet ‘90 në Kosovë. Fillet e angazhimit të sajë janë në Televizionin e Prishtinës, ku fillimisht u shqua si drejtuese emisionesh debative dhe argëtuese e më pastaj edhe si autore e emisioneve të zhanrit dokumentar. Nga viti 1995 është gazetare redaktore e emisioneve dokumentare në Televizionin e Maqedonisë, ku si skenariste, regjisore dhe autore ka realizuar mbi 200 dokumentarë.

Opusi i sajë përfshin kryesisht tema nga jeta e shqiptarëve që jetojnë në këto hapësira, por theks të veçantë ajo i vë njeriut të lënë në margjina e të harruar nga shoqëria. Por, njëkohësisht ka realizuar edhe një varg dokumentarësh që ndriçojnë ngjarje e ndodhi nga historia e shqiptarëve të Maqedonisë, sikundër edhe portrete individësh të dalluar, qoftë me angazhimin e tyre intelektual e kulturor, qoftë me aktivitet kombëtar e patriotik. Dokumentarët e autores Mehmeti bartin qartë vulën e shkollës dokumentare kosovare dhe dallohen nga drejtpërdrejtshmëria me të cilën i qasen njeriut të rëndomtë apo fenomenit ose ngjarjes së caktuar. Autorja ka dhënë kontribut edhe në zhanrin e reportazhit televiziv të cilin e përcjell me naracion te theksuar lirik. Në vitin 1999, për filmin dokumentar “Një jetë në mulli” është shpërblyer me shpërblimin më prestigjioz që ndahet për filmin dokumentar në Maqedoni, “Koria e Artë”, në festivalin ndërkombëtar të veprave televizive në Krushevë. Po atë vit është shpallur gazetare e vitit në Radiotelevizionin e Maqedonisë. Është poashtu edhe autore e një sërë projektesh të pavarura dokumentarë.Nga viti 2008 është drejtore e Radios se Maqedonise.

Aktualisht jeton dhe vepron në Shkup.

Veprat letrare[Redakto | Redakto nëpërmjet kodit]

  • “Një jetë në mulli”