Bamatat
Bamatat është një fshat në Bashkia e Delvinës në rrethin e Delvinës të Shqipërisë.
Gjeografia
[Redakto | Redakto nëpërmjet kodit]Nga veriu fshati Batamat kufizohet me fshatin Bajkaj, nga jugu me Kranenë dhe Kostarin, nga lindja me Vllahatin, nga perëndimi me Stjarin dhe lumin e Kalasës.
Toponimet të fshatit Bamatat[1]
- Arat e Çarcane – ara, në JP.
- Balt e Kuqe - vend ku dheu është i kuq, në P.
- Bregu i Shtufit - breg, në L.
- Bregu i Vllahatit - breg, në L.
- Begu i Zi - breg ndërmjet Bamatatit dhe Rusanit, në V.
- Burim i Baçës Shehut - ara, në J.
- Burim i Cimbidheve - burim, në P. Mbasi ky burim u rindërtua nga Resmi Sali Mushi, sot thirret me emrin Burim i Resmiut.
- Gur i Çarçanit - gur i punuar në lashtësi, rreth 1 m e gjysëm i gjatë. Thuhet se këtë gur e ka hedhur dragoi i malit të Burresë, kur nga zemërimi u orvat të godiste Finiqin por guri ra aty, në J. të fshatit (v.Këngë Pop. të Labërisë të F.M.Rr.)
- Gur i Qiellit - ka qenë një gur i gëdhëndur pranë rrugës, në J. në të cilin lexoheshin gërmat Q-Y. Sot ky gur është zhdukur.
- Dheu i bardhë - vend ku dheu është i bardhë, në L. edhe në P.
- Haliqet - ara, në J.
- Hauri i Shene - ka qënë shtëpi agai, sot gërmadhë, në V.
- Kodra e Sarahanit - kodër, në J.
- Kulla e Madhe - kodër e madhe, në J.
- Kulla e Vogël - kodër e vogël, në P.
- Lumi i Delvinës - lumë që vjen nga Delvina, në V.
- Mirashet - ara, në L.
- Moçalet - ara, në V.
- Mushau i Fshatit - ara, në P.
- Pus i Arape - pus i ndërtuar nga fisi i Arape, në qendër.
- Pus i Mehmetajve - pus i ndërtuar nga fisi Memetajve, në qendër.
- Pus i Rapit (Rrapit) - pus në qendër.
- Rapi i Beut - vend ku dikur ka qënë një rrap i pronarit të tokës, në P. Sot nuk figuron.
- Rapi i Gjatë - rrap shekullor. Për këtë populli beson se është i shënjtë dhe e ka për gjynah ta preki me dorë qoftë edhe degët e këtij kur shqiten dhe bijen përtokë.
- Rapishtja e Dizdare - ara e rrepe, në V.
- Shtëpija e Shemshos - gërmadhë shtëpije në një kodër, në J. Shemshua ka qenë pronar i vendit.
- Shtufet – ara, në P.
- Ura e Mesareve - urë me tre harqe, në P. I thonë e mesareve sepse ajo qëndron në mes të vendit.
- Ura e Mushafit - urë betoni, në P.
- Xhamia e fshatit - ish xhami, regjimi komunist e ktheu atë në dyqane.
Demografia
[Redakto | Redakto nëpërmjet kodit]Fshati është banuar me shumicë shqiptare myslimanë dhe ka dy familje ortodoks greqishtfolës. [2]
Familjet në fshatin Bamatat:[3]
Arapaj, Çano (ortodoks greqishtfolës nga Leshnica), Gaçaj, Hakarepaj, Haxhiraj, Iljazaj, Kapllanaj, Koçi (ortodoks greqishtfolës nga Leshnica), Lataj, Mehmetaj, Musaraj, Mushaj, Nexhipaj, Qëndraj, Yzeiraj, Xhekaj.
Kultura dhe Historia
[Redakto | Redakto nëpërmjet kodit]Flitet se emri Bamatat këtij fshati i ka mbetur nga Baba Matua, njeri i shenjtë që është varrosur në këtë fshat. Edhe sot banorët e këtij fshati duke besuar në shënjtërinë e këtij, shkojnë te varri në turbe ku është varrosur dhe në kohë nate ndezin atje qirinj apo kandile dhe duke lënë atje para.[4]
Shih edhe
[Redakto | Redakto nëpërmjet kodit]| Bashkia Delvinë |
|---|
| Delvina · Bamatat· Vllahat · Rusan · Lefterhori · Kakodhiqi · Sopot · Stjar · Vanë · Blerimas |
| redaktoni kutinë |
 | Ky artikull në lidhje me njësitë administrative të Shqipërisë është i cunguar. Ju mund të ndihmoni Wikipedian duke e zgjeruar atë. |
Lidhje të jashtme
[Redakto | Redakto nëpërmjet kodit]Burimet
[Redakto | Redakto nëpërmjet kodit]- ^ Fatos Mero Rrapaj (1995). Fjalori Onomastik i Epirit. Eurorilindja. f. 440-441. Tregoi: Resmi Sali Mushi, dt.1924, me arsim 8-vjeçar, nga Bamatati, sot me banim po aty. Bamatat, 22 dhjetor, 1994.
- ^ Rrapaj. Fjalori Onomastik i Epirit. 1995. f. 440. "Sot ka mbi 80 familje, ndër këto dy "minoritare" dhe të tjeret të gjitha shqiptare të fesë myslimanë."
- ^ Rrapaj. Fjalori Onomastik i Epirit. 1995. f. 440.
- ^ Rrapaj. Fjalori Onomastik i Epirit. 1995. f. 440.
|
Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë. |