Beteja e Junikut

Beteja e Junikut
Pjesë e Luftës së Kosovës
Një rrugë në Junik në vitin 2013
Date 29 Maj – 16 Gusht 1998 (4 muaj, 2 javë dhe 5 ditë) Vendi Junik, rajoni i Gjakovës, Kosovë Rezultati Fitore Jugosllave Territorial changes Qeveria Jugosllave rimerr kontrollin e Junikut
Ndërluftuesit
Ushtria Çlirimtare e Kosovës	Ushtria Jugosllave Policia Serbe
Komandantët dhe udhëheqësit
Bekim Berisha Bedri Shala Elton Zherka Përmet Vula	Millorad Ulemek Sretan Lukiç Bozhidar Deliç Dragan Zhivanoviç
Fuqia
1,000 luftëtarë	3,000 ushtarë dhe policë
Viktimat dhe humbjet
13 të vrarë	6 të vrarë
8 Civilë Shqiptarë të vrarë 12,000 Civilë të shpërngulur

Beteja e Junikut ishte një betejë që u zhvillua gjatë Luftës së Kosovës ndërmjet Ushtrisë Çlirimtare të Kosovës (UÇK) dhe Ushtrisë Jugosllave (JNA), e mbështetur nga Policia Serbe (MUP) mbi qytetin e Junikut në Kosovën perëndimore.

Juniku u pushtua nga UÇK-ja në fillim të luftës dhe u bë një qendër e kontrabandës së armëve nga Shqipëria veriore për shkak të vendndodhjes së saj strategjike. Qyteti u rrethua nga Ushtria Jugosllave (JNA) dhe Policia Serbe (MUP) më 28 korrik 1998, dhe ishte vendi i përplasjeve intensive për gati tre javë më pas. Më 16 gusht 1998, Juniku u sulmua nga Njësia Speciale Antiterroriste e Serbisë, komponenti i operacioneve speciale të policisë serbe, duke i detyruar luftëtarët e mbetur të UÇK-së të tërhiqeshin në kodrat dhe pyjet përreth.

Gjatë betejës u vranë 4 policë serbë të MUP-it dhe dy ushtarë serbë të Ushtrisë Jugosllave, sipas raporteve bashkëkohore, ndërsa në anën e UÇK-së u vranë 13 luftëtarë shqiptarë. Përveç kësaj, u vranë edhe 8 civilë shqiptarë të Kosovës ndërsa 12,000 civilë shqiptarë të Kosovës u shpërngulën. Pas rënies së Junikut, Shtetet e Bashkuara shprehën shqetësimin se forcat qeveritare serbe kishin vendosur mina tokësore rreth qytetit. Në përgjigje të drejtpërdrejtë të kapjes së qytetit, Këshilli i Sigurimit të Kombeve të Bashkuara miratoi Rezolutën 1199 më 23 shtator 1998, duke bërë thirrje për përfundimin e armiqësive në Kosovë.