Dhimitër Zografi
 | Ky artikull nuk citon asnjë burim, prandaj mund të mos jetë i saktë. |
| Dhimitër Zografi Nënshkrues i Deklaratës së Pavarësisë së Shqipërisë
| |
| Emri: | Dhimitër |
| Mbiemri: | Zografi |
| Lindi më: | 1878 |
| Vendlindja: | Korçë |
| Vdiq më: | 1945 |
| Vdiq në: | Bukuresht, Rumani |
Dhimitër Zografi (1878-1945) ishte një nga nënshkruesit e Deklaratës së Pavarësisë së Shqipërisë.
Ai lindi në Korçë më 1878. Në fund të shekullit XIX së bashku me vëllezërit emigroi në Rumani. Më 1906 merr pjesë në themelimin e shoqërisë patriotike të shqiptarëve te Bukureshtit “Bashkimi-Unirea”. Një nga organizatorët e mbledhjeve që u zhvilluan në fillim të nëntorit 1912 në Bukuresht. Aty theksoi se patriotët “kanë besim të plotë në veprimin e Kombit shqiptar pas udhës që tregoi z. Ismail Qemal Beu e se kanë për të bërë sa mundet me gjithë shpirt e me të gjitha mënyrat për shpëtimin e Atdheut” ( “Shqipëri` e Re”, Kostancë, datë 29 nëntor 1929). U zgjodh delegat i kolonisë shqiptare të Bukureshtit për të marrë pjesë në Shpalljen e Pavarësisë. Më 28 nëntor 1912 firmos vendimin e Pavarësisë me siglën “Dimitri Zografi”. Anëtar i pleqësisë. Në dhjetor 1912, bashkë me Dhimitër Emanoilin, shkon në Brindizi e prej andej kthehet në Korçë nga ku largohet më 1917. Kundërshton vendimet e padrejta të Konferencës së Parisit në kurriz të popullit shqiptar dhe firmos protesta drejtuar kryesisë së saj në qershor 1919. Vdiq në 1945 në Bukuresht, Rumani.[1]
