Diamanti

Nga Wikipedia, enciklopedia e lirë
Jump to navigation Jump to search
Diamant nga AEW.
Struktura e animuar e diamantit kubik.
Brilant
Struktura e animuar e diamantit.
Diamanti Great Mogul.
Diamanti i gjelbërt.

Minerali diamant është modifikim alotropik i karbonit. Diamanti është materiali më i fortë që gjendet në natyrë. Diamanti ka shkallën më të lartë të shkrirjes (3820 K ose 3547 °C).

Sipas Mohsit ai zë vendin e parë me fortësi 10. Në shtypje normale atmosferike dhe në temperaturën e dhomës ai termodinamikisht është jostabël dhe mund të shndërrohet në grafit, mirëpo ai shndërrim është shumë i ngadalshëm prandaj praktikisht diamanti konsiderohet si substancë stabël.

Në natyrë haset në dy forma kristalore: në formën kubike dhe heksagonale.

Diamanti kubik[redakto | redakto tekstin burimor]

Diamanti në natyrë gati ekskluzivisht paraqitet në formën kubike. Diamanti krijohet në vullkanet e gazit, me ftohjen e shpejtë të materialit eruptiv, i cili i është nënshtruar shtypjes ekstreme. Në natyrë haset si kristal në formë të tetraedrit.

Diamanti heksagonal[redakto | redakto tekstin burimor]

Diamanti heksagonal krijohet në sasi mikroskopike gjatë goditjeve të meteoritëve në tokë. Ky lloj diamanti mund të krijohet në mënyrë artificiale.

Përdorimi[redakto | redakto tekstin burimor]

Diamanti, për shkak të fortësisë, përdoret si mjet për prerje, shpuarje, gërryerje dhe për lëmuarje.

Me prerjen dhe lëmimin e diamanteve të cilët në natyrë kanë formë jo të rregullt dhe papastërti të ndryshme fitohet brilanti i cili përdoret si stoli apo pjesë e stolive në kombinim me arin ose argjendin.

Sot rreth 40% e diamantit prodhohet në mënyrë artificiale.

Përafërsisht 49% e diamantëve vjen nga Afrika jugore dhe qendrore, po ashtu miniera të tjera janë të gjetura në Kanada, Indi, Rusi, Brazil dhe Australi. Ai gjendet në thellësi të tokës, aty ku presioni dhe temperaturat e larta i mundësojnë diamantit të formohet, dhe nxirret në sipërfaqe. Nxjerrja dhe distribuimi i diamantëve natyrale është shpesh në shënjestër të konfliktëve.