Fehmi Rexhepi

Fehmi (Vesel) Rexhepi (i lindur më 4 shkurt 1945 në Pogragjë, Gjilan) është historian shqiptar nga Kosova. Ai ka dhënë një kontribut të rëndësishëm në zhvillimin e historiografisë shqiptare, sidomos në Kosovë, si dhe ka marrë pjesë në jetën politike dhe sindikale të vendit.

Arsimi

Fehmi Rexhepi përfundoi shkollën fillore në vendlindje më 1960 dhe Shkollën Normale në Gjilan më 1965. Studimet universitare i mbaroi në Fakultetin Filozofik të Universitetit të Prishtinës, Dega e Historisë, më 1971. Gradën e magjistrit e mori më 1980 ndërsa doktoraturën më 1983.

Karriera akademike

Karrierën mësimore e filloi si mësues i historisë dhe gjeografisë në shkollën e Pogragjës më 1965. Më pas punoi në disa shkolla fillore dhe të mesme, si dhe në institucione të arsimit të lartë:

Shkolla fillore “Vëllezërit Frashëri”, Dobrevë (1968 -1969)
Shkolla fillore “Vladimir Nazor” (sot “Naim Frashëri”) në Prishtinë (1969 -1970)
Shkolla Normale e Prishtinës (1970)
Gjimnazi “Zejnel Hajdini”, Gjilan (1970 -1971)
Shkolla Normale dhe Akademia Pedagogjike “Skënderbeu”, Gjilan (1971 -1978)

Nga viti 1978 deri në pensionimin e tij në vitin 2010, ishte pjesë e stafit të Institutit të Historisë në Prishtinë. Ka shërbyer si:

Drejtor i Institutit të Historisë (1995 - 2000)
Kryetar i Këshillit Shkencor të Institutit
Kryeredaktor i revistës shkencore Kosova
Bashkëkryetar i Këshillit Kombëtar të Historisë (1993 - 2001), me pjesëmarrjen e historianëve nga Kosova dhe Shqipëria³
Anëtar i Kryesisë së Lidhjes së Historianëve Shqiptarë (1992 - 1999)

Gjithashtu, ka ligjëruar në disa institucione të arsimit të lartë, përfshirë:

Universitetin e Prishtinës (2003 - 2009)
Universitetin e Tetovës (2001- 2004)
Kolegjet private “Pjetër Budi” dhe “Juridika” (2009 - 2013)

Në vitin 2006 u zgjodh kryetar i Lidhjes së Historianëve të Kosovës “Ali Hadri”.

Aktiviteti politik dhe sindikal

Fehmi Rexhepi ka qenë aktiv edhe në jetën sindikale dhe politike:

Kryetar i Sindikatës së Pavarur të Institutit të Historisë (1990 - 1995)
Nënkryetar i Këshillit Ekzekutiv të SBASHK-ut (1991 - 1996)
Deputet i Parlamentit të Republikës së Kosovës në zgjedhjet e vitit 1992 dhe 1998
Anëtar i Këshillit për Financim të Komunës së Prishtinës (1992 - 1996)
Këshilltar në Kuvendin Komunal të Prishtinës (2000 - 2002)
Këshilltar politik i Ministrit të Arsimit, Shkencës dhe Teknologjisë (2002 - 2004)

Botime

Fehmi Rexhepi është autor dhe bashkautor i shumë veprave shkencore. Disa prej tyre përfshijnë:

Chronique des Albanais, Lausanne, (në gjuhën frënge) 2000
Redaktor i historisë në veprën Kosova - Vështrim monografik, ASHAK, Prishtinë, 2011
Redaktor i historisë së shekullit XX në Fjalorin Enciklopedik të Kosovës, ASHAK, Prishtinë, 2018
Autor dhe bashkautor i rreth 20 teksteve shkollore të historisë për arsimin fillor dhe të mesëm, të botuara në Prishtinë dhe Tiranë (1994–2019).
Mbi 100 artikuj shkencorë të botuar në revista të ndryshme në Kosovë, Shqipëri, Kroaci, Zvicër dhe Austri.

Jeta personale

Fehmi Rexhepi jeton dhe vepron në Prishtinë që nga viti 1981.

Referenca

Instituti i Historisë “Ali Hadri”, Prishtinë
Akademia e Shkencave dhe e Arteve e Kosovës (ASHAK)
Sindikata e Bashkuar e Arsimit, Shkencës dhe Kulturës e Republikës së Kosovës (SBASHK)