Gilman Bakalli
Gilman Bakalli (Shkodër, 11 gusht 1967 - 8 tetor 2016) ka qenë lektor, profesor, publicist dhe deputet shqiptar. Ai lindi më 11 gusht 1967 në Shkodër. Për 4 vite nga viti 2005 në vitin 2009 ka shërbyer si deputet në Kuvendin e Shqipërisë. Ai u nda nga jeta më 8 tetor 2016 pas një sëmundjeje.
Jeta
[Redakto | Redakto nëpërmjet kodit]Lindi në Shkodër në lagjen "Rus i Vogël" më 11 gusht 1967, i biri i Et'hem Bakallit dhe Nexhmije Shpuzës. I ati u dënua me 12 vjet burgim për shkak të pjesëmarrjes në Lëvizjen studentore antikomuniste 1945-53 me organizimin e quajtur "Përpjekja shqiptare"[1][2].
Përshkoi të gjitha etapat e arsimimit fillor e të mesëm në Shkodër. Agu i tranzicionit e zë student në fakultetin e Inxhinieri-Gjeologji Minierash. U kthye në Shkodër ku u diplomua në gjermanistikë, Në Grac të Austrisë mori titullin doktor i Filozofisë, duke hyrë në katedrën e gjermanistikës në Universitetin Luigj Gurakuqi. Në vitin 2005, ftohet të kandidojë në Shkodër për Partinë Demokratike, dhe zgjidhet deputet nga viti 2005 deri në vitin 2009[2]. Pasi rikandidoi në zgjedhjet e 2009 me partinë "Poli i Lirisë", në procesverbal nuk i ishte shënuar asnjë votë në emër të tij, gjë për të cilën u shpreh "më vodhën edhe votën time"[3].
Ka punuar si Lektor në Universitetin Evropian të Tiranës, në mësimdhënie në fushën e teorive të letërsisë, përkthimit, komunikimit ndërkulturor dhe teorive të komunikimit. U nda nga jeta më 8 tetor 2016 për shkak të leuçemisë akute[4].
Tituj të veprave
[Redakto | Redakto nëpërmjet kodit]- Bakalli Gilman, Alfabeti i tranzicionit Arkivuar 16 janar 2023 tek Wayback Machine, Universiteti Europian i Tiranës dhe UET-Press, Tiranë, 2017.
- Bakalli Gilman, Mendimi kritik i një qytetari, Botime Pegi, Tiranë, 2018. Librari online: Bukinist. Arkivuar 28 tetor 2019 tek Wayback Machine
Përkthime
[Redakto | Redakto nëpërmjet kodit]- Eagleton Terry, Hyrje në teorinë e letërsisë, përkth. shqip. Gilman Bakalli, Ed. Camaj-Pipa, Shkodër, 2005. (bot. origj. Eagleton Terry, Literary Theory: An introduction, Great Britain by Blackwell Publishers Ltd., London 1996).
- Popper Karl R., E gjithë jeta është zgjidhje problemesh, përkth. shqip. Gilman Bakalli, Camaj-Pipa, Shkodër 2002. (bot. origj. Popper Karl Raimund, Alles Leben ist Problemlösen: Über Erkenntnis, Geschichte und Politik, German edition, Piper 1995).
- Bocheński J. M., Ftesë për të filozofuar, përkth. shqip. Gilman Bakalli, Shkodra University Press – Prishtina University Press., Shtypshkronja “Shkodra”, Shkodër 2000. (bot. origj. Bocheński J. M., Wege zum philosophischen Denken: Einführung in die Grundbegriffe, Herder, Freiburg 1964).
Burime
[Redakto | Redakto nëpërmjet kodit]- ↑ Butka U., Nihat Bakalli, vazhdues i veprës së Mit’hat Frashërit, ballikombetar.info, 11 janar 2016.
- 1 2 Gilman Bakalli, homazh heroizmit të njeriut në vetëmbrojtje, Mapo, 11 tetor 2017.
- ↑ Bakalli G., Më vodhën edhe votën time, Shqip, 30 qershor 2009.
- ↑ Prof. Gilman Bakalli ndërron jetë papritur nga një leuçemi akute, Tema, 8 tetor 2016.
Artikuj online
[Redakto | Redakto nëpërmjet kodit]- Për Gilman Bakallin, profesorin ideal
- Intervistë në lidhje me botimin e librit "Alfabeti i Tranzicionit" Arkivuar 9 nëntor 2018 tek Wayback Machine
- INTERVISTA E FUNDIT/ Gilman Bakalli: Betejën më të vështirë e kam me veten.
- “Alfabeti i tranzicionit”, një libër nga Gilman Bakalli Arkivuar 16 janar 2023 tek Wayback Machine
- Top Channel Albania: Gilman Bakalli, jeta e nje fitimtari
- Gilman Bakalli (faqe në gjuhën frënge) Arkivuar 10 dhjetor 2024 tek Wayback Machine
- Lexime dhe kujtime… për intelektualin që mungon