Kalo Brahim Xhaferaj

Kalo Brahim Xhaferaj lindi më 15 janar 1888 në Krahës të Tepelenës dhe vdiq më 31 maj 1974.

Kronikë e jetës

15 janar 1888 lindi në Krahës të Tepelenës, në një familje me ndjenja të pastra atdhetare, Kalo Brahim Xhaferaj.
1912 Kalo Brahimi merr pjesë, si luftëtar, në Shpalljen e Pavarësisë nga plaku i urtë, Ismail Qemali.
1913-1914 Kalo Brahimi merr pjesë në mbrojtjen e trojeve shqiptare, kundër bandave të andartëve grekë.
1920 Ai është luftëtar aktiv në Luftën e Vlorës, përkrah luftëtarëve të tjerë atdhetarë, kundër pushtuesve italianë, me çetën e Krahësit.
1924 Kalo Brahimi fanolist ngarkohet nga Qeveria e Fan Nolit me detyrën e instruktorit në Shkollën e Xhandërmarisë në Vlorë. Merr pjesë në luftimet e Ardenicës së Fierit, kundër forcave zogiste.
prill 1924 Merr pjesë në varrimin e Avni Rustemit në Vlorë, si pjestar i delegacionit të Tepelënës, dhe vendosi një kurorë, në emër të popullit.
4 prill 1939 Kalo Brahimi dhe Baba Fejzua, me shumë burra të krahinës së Krahësit, u grumbulluan në qendrën e Komunës dhe protestuan, duke kërkuar armë, për të luftuar kundër pushtuesve italianë.
1942 Me krijimin e Frontit Antifashist Nacionalçlirimtar në rrethin e Tepelenës, ai u lidh me të që në fillim dhe e përkrahu atë moralisht dhe fizikisht, duke u bërë një aktivist i shquar, propagandist i guximshëm dhe luftëtar i vendosur.
shtator 1942 U formua Këshilli Nacionalçlirimtar i Krahësit, me nëntë veta. Kalo Brahim Xhaferaj ishte anëtar i këtij këshilli.
2 dhjetor 1942 Në Teqenë e Memaliajt u mblodhën përfaqësuesit e popullit nga çdo fshat i n/prefekturës Tepelenë dhe u formua Këshilli Antifashist Nacionalçlirimtar Krahinor. Në këtë mbledhje nga Krahësi morën pjesë: Baba Fejzo, Kalo Brahimi dhe Bajram Medini.
4 shkurt 1943 Në fshatin Toç të Krahësit u formua çeta partizane "Verikoll", me 45 partizanë. Kalo Brahimi caktohet zv/komandant.
4 maj 1943 Në mbledhjen e Rrapit të Dervenit, çeta partizane "Verikoll", e komanduar nga zv/komandanti Kalo Brahimi, u ngarkua me sigurimin e pjesëmarrësve të mitingut popullor.
21 qershor 1943 Çetat partizane "Labkoll" e "Verikoll" të Tepelenës, goditën forcat e xhandarmërisë, pushtetin fashist në tre komuna të n/prefekturës së Tepelenës: Sinanaj, Krahës dhe Buz. Kalo Brahimi ishte pjesëmarrës aktiv në këto aksione.
25 qershor 1943 Kalo Brahim Xhaferaj, me çetën "Verikoll", merr pjesë në luftimet në Mongila të Vasiarit, ku një kompani xheniere italiane e nisur nga Tepelena, për riparimin e linjës telefonike Tepelenë - Tiranë, u ndesh me forcat partizane të Tepelenës.
27-30 qershor 1943 Kalo Brahim Xhaferaj është pjesmarrës aktiv në luftimet e ashpra të zhvilluara në Qafën Miricës, nga forcat partizane e forcat vullnetare të Tepelenës, me forcat e regjimentit të parë të Divizionit të Fanterisë "Lupi Di Toskana", të ushtrisë italiane, të ardhura nga garnizonet e Gjirokastrës dhe Tepelenës, nën komandën e kolonel Fuckos.
2 korrik 1943 Atdhetari Kalo Brahili, shquhet në luftimet e çetës "Verikoll", me popullatën e Arrëzës së Vogël, në Qafën e Kiçokut, kundër një autokolone ushtarake fashiste.
10 gusht 1943 Në Donie të Kalivaçit u formua batalioni "Baba Abaz". Kalo Brahimi ngarkohet me detyrën komandant i kompanisë së dytë.
11 gusht 1943 Veterani Kalo Brahimi merr pjesë në luftimet që zhvillohen në Malin e Bardhë, mbi fshatin Dorëz, kundër dy autokolona italiane.
10-15 shtator 1943 Në luftimet, kundër ushtrisë italiane për çlirimin e qytetit të Tepelenës, Kalo Brahimi jep një ndihmesë të çmuar, me forcat territoriale të Krahësit.
26-30 shtator 1943 Pas luftimeve në Shkallën e Zezë kundër gjermanëve, Kalo Brahim Xhaferaj, me porosi të Abaz Sheehut kaloi me detyra në prapavijë.
dhjetor 1943 Detyra më me përgjegjësi e Kalo Brahimit, në këtë periudhë, ishte mbrojtja e spitalit partizan në Krahës dhe mbledhjen e ndihmave për forcat partizane ...
qershor-korrik 1944 Kalo Brahimi ngarkohet me detyrën, Komandant Vendi në Fratar të Mallakastrës.
gusht-shtator 1944 Atdhetari caktohet me detyrën e Shefit të Policisë në Ballsh.
1946 Zgjidhet Kryetar i Komitetit Ekzekutiv të Këshillit Popullor të Lokalitetit në Krahës.
1964 Kalo Brahimi del në pension.
31 maj 1974 Ndahet nga jeta patrioti dhe veterani Kalo Brahim Xhaferaj.

Shih edhe

Kalo Brahim Xhaferaj në kujtimet e dy brezave - libër me Autorë Zihni Haskaj dhe Bektash Zite.
Kalo Brahim Xhaferaj një jetë në këmbë për mëmëdhenë - libër me Autorë Zihni Haskaj dhe Bektash Zite.

Referime

Libri: Kalo Brahim Xhaferaj në kujtimet e dy brezave faqe 110-111-112-113