Kodra Çandragiri
![](http://upload.wikimedia.org/wikipedia/commons/thumb/d/de/Shravanabelagola2007_-_23.jpg/318px-Shravanabelagola2007_-_23.jpg)
Chandragiri është një nga dy kodrat në Shravanabelagola në shtetin indian Karnataka, ndërsa kodra tjetër është Vindhyagiri. Në këtë kodër gjendet një numër i madh tempujsh dhe monumentesh xhainiste
Historia[Redakto | Redakto nëpërmjet kodit]
![](http://upload.wikimedia.org/wikipedia/commons/thumb/8/8e/Chandragiri_temple_complex.jpg/345px-Chandragiri_temple_complex.jpg)
Historia e dokumentuar që rrethon kodrën fillon në vitin 300 p.e.s. kur Shruthakevali Bhadrabahu dhe Chandragupta Maurya vizituan vendin në mënyrë që të arrinin paqen shpirtërore.[1] Kodra e vogël e ka marr emrin e saj Chandra nga fakti se Chandragupta ishte i pari rishi që jetoi dhe meditoi këtu. Emri i hershëm i kodrës ishte Kalbappu dhe dominon historinë e qytetit të Shravanabelagolas midis shekullit të III p.e.s. dhe shekullit të XII. Tradita xhainiste e lidh perandorin mauryan Chandragupta dhe mësuesin e tij Bhadrabahu me këtë vend. Nga një tërësi prej 106 monumentesh të gjetura në Shravanabelagola, 92 gjenden në kodrën e vogël Chandragiri. Nga këta, rreth 56 monumente murgjish dhe 5 nga ta i përkasin shekullit të VII dhe të VIII. Kjo ka bërë që kodra të jetë mjaft popullore.
![](http://upload.wikimedia.org/wikipedia/commons/thumb/d/d1/Stone_curved_kalasa.jpg/345px-Stone_curved_kalasa.jpg)
Vendndodhja[Redakto | Redakto nëpërmjet kodit]
Kodra gjendet rreth 929 metra mbi nivelin e detit dhe rreth 61 metra mbi nivelin e terrenit si dhe gjendet në veri-perëndim të qytetit. Në majë të saj mund të gjenden të shpërndara një shtrirje e gjerë shkëmbinjsh graniti, me popla të mëdha dhe të vogla.
Monumentet[Redakto | Redakto nëpërmjet kodit]
Në kodër gjendet një numë i madh basadish xhainistë, disa prej më të shquarve janë:
- Basadi i Shantinathas
- Basadi Parshvanatha
- Basadi i Chandraguptas
- Basadi Kattale
- Basadi Majjigana
- Basadi Shasana
![](http://upload.wikimedia.org/wikipedia/commons/thumb/a/ad/Panorama_of_Chandragiri_Temple_Complex%2C_Shravanabelagola%2C_Karnataka%2C_India..jpg/749px-Panorama_of_Chandragiri_Temple_Complex%2C_Shravanabelagola%2C_Karnataka%2C_India..jpg)
- Basadi Chandraprabha
- Basadi Parshvanatha II
- Basadi Chavundaraya
- Basadi Eradukatte
- Basadi Savatigandhavarana
- Basadi Terina
- Basadi Shantishwara
- Basadi Iruve-Brahmadeva
Përveç këtyre në kodrën Chandragiri mund të gjenden edhe një numë monumentesh të tjera si shpella Bhadrabahu, Manastambha e Marasimhas, Mahanavami Mantapa, Mbishkrimet Bhadrabahu, Gangaraja Mantapa dhe Nishidhi Mantapa.
Shiko edhe[Redakto | Redakto nëpërmjet kodit]
- Arkitektura e dinastisë perëndimore Ganga
- Arkitektra dravidiane
- Shravanabelagola
- Kodra Vindhyagiri
- Talakadi
- Beluri
- Halebidu
Referimet[Redakto | Redakto nëpërmjet kodit]
- ^ B. Lewis Rice: Inscriptions at Sravana Belgola: A Chief Seat of The Jains, (Archaeological Survey of Mysore); Bangalore: Mysore Govt. Central Press, 1889, fq. 5
Bibliografia[Redakto | Redakto nëpërmjet kodit]
- B. Lewis Rice: Inscriptions at Sravana Belgola: A Chief Seat of The Jains, (Archaeological Survey of Mysore); Bangalore: Mysore Govt. Central Press, 1889
![]() |
Wikimedia Commons has media related to Kodra Chandragiri. |