Kreu i shtetit

Nga Wikipedia, enciklopedia e lirë
(Përcjellë nga Kryetari i shtetit)
Shko te: navigacion, kërko

Kreu i Shtetit ose Kryetari i Shtetit është një emërtim i përgjithshëm i përdorur në terminologjinë e ligjit ndërkombëtar, shkencave politike dhe protokollit diplomatik për të treguar rangun më të lartë zyrtar të një shteti sovran, i cili përmbush detyrën e përfaqësimit publik të atij shteti. Në shumicësn e shteteve, Kreu i Shtetit është një person natyral (njeri), por ka të paktën katër përjashtime nga ky rregull: Zvicra, Bosnje-Hercegovina, Andorra dhe San Marino. Në këto shtete, Kreu i Shtetit është një grup i përbërë nga më shumë se një person.

Shpesh Kreu i Shtetit dallohet nga Kryetari i Qeverisë. Në shumicën e sistemeve parlamentare, monarku ose presidenti përmbush rolin e Kreut të Shtetit ndërsa kryeministri ose kancelari atë të kryetarit të qeverisë. Në shtetet me sistem presidencial dhe disa monarki absolute, këto dy figura përputhen.

Sipas shteteve[redakto | redakto tekstin burimor]

Presidenti aktual i Shqipërisë, Bujar Nishani.

Shqipëria[redakto | redakto tekstin burimor]

Sipas nenit 86 të Kushtetutës, Kreu i Shtetit Shqiptar është Presidenti i Republikës. Ai përfaqëson unitetin e kombit; për rrjedhim duhet të jetë i zhveshur nga ngjyrat politike.
Presidentin në Shqipëri e zgjedh Paralamenti me shumicë të kualifikuar për një mandat pesëvjeçar. Mund të kandidohet çdo shtetas shqiptar që nga lindja, mbi 40 vjet, me kusht që të ketë jetuar në Shqipëri 10 vitet e fundit.[1]

Presidenti aktual i Kosovës, Hashim Thaçi.

Kosova[redakto | redakto tekstin burimor]

Sipas neni 83 të Kushtetutës së Kosovës, Presidenti i Republikës së Kosovës  është kreu i shtetit dhe përfaqëson unitetin e popullit të Republikë së Kosovës. Presidenti i Republikës së Kosovës zgjedhet nga Kuvendi me dy të tretat (2/3) e votave të të gjithë deputetëve për një mandat pesëvjeçar.

President i Republikës së Kosovës mund të zgjedhet vetëm në dy mandate, çdo shtetas i Republikës së Kosovës, i cili e ka mbushur moshën 35 vjeçare.[2]

Shiko dhe[redakto | redakto tekstin burimor]

Referencat[redakto | redakto tekstin burimor]