Ilir Meta

Ilir Meta
President i Republikës së Shqipërisë (10-ti)
24 korrik, 2017 –
Paraardhësi:	Bujar Nishani
Kryeministër (41-ti)
28 tetor, 1999 – 29 janar, 2002
Paraardhësi:	Pandeli Majko
Pasardhësi:	Pandeli Majko
Zv/kryeministër
2 tetor, 1999 – 25 tetor, 1999
Paraardhësi:	Kastriot Islami, Bashkim Fino
Pasardhësi:	Makbule Çeço
29 korrik, 2002 – 18 korrik, 2003
Paraardhësi:	Skënder Gjinushi
Pasardhësi:	Namik Dokle
9 shtator, 2009 – 9 shtator, 2009
Paraardhësi:	Genc Pollo
Pasardhësi:	Edmond Haxhinasto
Kryetar i Kuvendit të Shqipërisë (42-ti)
10 shtator, 2013 – 24 korrik, 2017
Paraardhësi:	Jozefina Topalli
Pasardhësi:	Valentina Leskaj; Gramoz Ruçi
Ministër i Jashtëm
29 korrik, 2002 – 18 korrik, 2003 (42-ti)
Paraardhësi:	Arta Dade
Pasardhësi:	Kastriot Islami
9 shtator, 2009 – 16 shtator, 2010 (46-ti)
Paraardhësi:	Lulzim Basha
Pasardhësi:	Edmond Haxhinasto
Ministër i Ekonomisë, Tregtisë dhe Energjitikës
16 shtator, 2010 – 17 janar, 2011
Paraardhësi:	Dritan Prifti
Pasardhësi:	Nasip Naço
Të dhënat personale
Lindi më:	(1969-03-24) 24 Mars 1969
Lindi në:	Çepan, Rrethi i Skraparit Republika Popullore e Shqipërisë
Shkolla e kryer:	Universiteti i Tiranës
Grada shkencore:	PS (1990–2004) LSI (2004–2017) I pavarur (2017-prezent)
Bashkëshortja	Monika Kryemadhi
Fëmijë	Bora Era Besar
Feja:	Bektashi
Emblema e Presidentit të Republikës së Shqipërisë

Ilir Rexhep Meta (lindur më 24 mars 1969) është politikan shqiptar, ka qenë ministër, kryeministër, kryetar i partisë Lëvizja Socialiste për Intergrim, kryetar i Kuvendit dhe që me 24 korrik 2017 President i Republikës së Shqipërisë.

Meta është që prej 15 viteve deputet i Kuvendit të Shqipërisë, dhe një nga figurat kryesore politike shqiptare. Ai konsiderohet nga media dhe publiku si krijuesi dhe drejtuesi i Polit të Tretë ne Politikën Shqiptare. Ishte Kryeministër i Shqipërisë prej vitit 1999 deri në 2002.

Rinia dhe arsimimi

U lind në Çepan të Skraparit më 24 mars 1969, ditën e Nevruzit, i biri i Rexhep dhe Fiqrete Metës. Kur ishte tre vjeç, i ati u caktua me punë në Tiranë dhe muar familjen me vete, ku Meta ndoqi dhe kreu mësimet fillore dhe të mesme. Më 1989-1993 ndoqi Fakultetin Ekonomik të Universitetit të Tiranës, ku u diplomua për ekonomi politike. Meta ka përfunduar Studimet Pasuniversitare në të njëjtën fushë.

Meta është musliman bektashi dhe ka deklaruar afrinë me vlerat tradicionale bektashie. Meta është i martuar me Monika Kryemadhin që nga tetori i 2008. Ata kanë dy vajza dhe një djalë, Bora, Era dhe Besari.

Karriera politike

Meta është përfshirë në politikë që më 1990 me rënien e komunizmit në Shqipëri si anëtar i lëvizjeve studentore. Që më 1992 u zgjodh deputet i Partisë Socialiste dhe ka qenë anëtar aktiv i disa komisioneve parlamentare. Nga 1996 deri më 1997 ka qenë Nënkryetar i Komisionit të Politikës së Jashtme. Ilir Meta është njeri ndër themeluesit e Forumit të Rinisë Eurosocialiste (FRESH), duke dhënë kontributin e tij për anetarësimin e Forumit në Internacionalen e Rinisë Socialiste. Gjatë viteve të anetarësisë së tij në FRESH, Ilir Meta ka mbajtur poste të larta drejtuese si, Nenkryetar (1992-1995) dhe Kryetar (1995-2001).

Aktiviteti politik i Ilir Metës në strukturat e Partisë Socialiste është i ngjeshur. Ai ka qënë anëtar i Komitetit të Përgjithshëm Drejtues nga Kongresi i qershorit 1992 dhe anëtar i Kryesisë së Partisë nga viti 1993, deri në periudhën kur dha dorëheqjen nga kryesia e PS-se (korrik 2003), pas debateve me Kryeministrin dhe Kryetarin e Partisë Socialiste Fatos Nano. Gjatë periudhës 1997-1998, Ilir Meta ka qënë Kryetar i Partisë Socialiste të Tiranës. Në periudhën 1993 -1996, Meta ka mbajtur postin e Nënkryetarit të Partisë Socialiste dhe nga 1994 - 1996 edhe atë të Sekretarit për Marrëdhëniet Ndërkombeëtare, periudhë gjatë së cilës u vendosën marrëdhënie me shumë parti socialiste dhe socialdemokrate të Evropës, si dhe Partinë Socialiste Evropiane dhe Internacionalen Socialiste.

Aktiviteti politik i Ilir Metës përfshin edhe një periudhë të drejtimit të qeverisë, ku ka shërbyer si Kryeministër i vendit gjatë periudhës nëntor 1999 - shtator 2001 dhe pas fitores së zgjedhjeve parlamentare të verës së vitit 2001 u rimandatua si Kryeministër, Shator 2001 - shkurt 2002. Në shkurt 2002 dha dorëheqjen nga detyra.

Gjithashtu, Ilir Meta ka shërbyer edhe si Zv.kryeminister dhe Ministër i Punëve të Jashtme gjatë periudhës korrik 2002 - korrik 2003, Zv.kryeministër dhe Ministër i Integrimit gjatë periudhës tetor 1998 - tetor 1999, si dhe Sekretar Shteti për Integrimin Evropian në Ministrinë e Punëve të Jashtme mars - tetor 1998.

Aktualisht, Ilir Meta është zgjedhur anëtar i Komisionit Ndërkombëtar për Ballkanin që drejtohet nga ish kryeministri i Italisë, Xhuliano Amato, në përbërje të të cilit janë mjaft personalitete të njohur nga BE, rajoni dhe ShBA.

Aktivitete të tjera

Përveç aktivitetit politik, Ilir Meta ka dhënë leksione në Fakultetin Ekonomik të Universitetit të Tiranës, si dhe në disa akademi dhe universitete në Evrope dhe SHBA, si Akademia Evropiane e Berlinit apo Universiteti i Harvardit.

Nderlidhje te jashtme

• Lëvizja Socialiste për Integrim