Lista e dekoratave në Shqipëri

Nga Wikipedia, enciklopedia e lirë
Jump to navigation Jump to search

Dekorata është medalje, urdhër etj., që i jepet dikujt nga shteti si shenjë nderimi për shërbime të larta ose për merita të veçanta.[1]

Lista e dekoratave, titujve të nderit, medaljve dhe titujve vendorë të nderit (2013–sot)[redakto | përpunoni burim]

Lista e dekoratave dhe titujve të nderit[redakto | përpunoni burim]

Dekoratat dhe titujt e nderit në Republikën e Shqipërisë jepen vetëm nga Presidenti i Republikës, ndërsa, sipas rëndësisë, ato janë:

Emri Fotografia Shënime
"Dekorata e flamurit kombëtar" Urdhri i Flamurit Kombëtar.jpg U jepet personaliteteve shqiptare dhe të huaja për merita të jashtëzakonshme për lartësimin e shtetit dhe të kombit shqiptar.
Dekorata "Gjergj Kastrioti Skënderbeu" Urdhri Gjergj Kastrioti Skënderbeu.jpg U jepet personaliteteve shqiptare dhe të huaja për ndihmesë të qenësishme ose kontribut madhor në mbrojtjen, forcimin apo përparimin e faktorit shqiptar kudo në botë.
Dekorata "Nderi i kombit" Urdhri - Nderi i Kombit.jpg U jepet personaliteteve shqiptare që, me veprat dhe emrin e tyre, nderojnë kombin shqiptar brenda dhe jashtë vendit.
Dekorata "Nënë Tereza" Urdhri Nënë Tereza.jpg U jepet personaliteteve shqiptare dhe të huaja për akte të shquara humanizmi ndaj kombit shqiptar dhe njerëzimit.
"Dekorata e artë e shqiponjës" Medalja e Arte e Shqiponjes.jpeg U jepet personaliteteve shqiptare dhe të huaja për trimëri në luftën e armatosur dhe për veprimtari ose akte të guximit qytetar në kohë paqeje.
Dekorata "Pishtar i demokracisë" U jepet personaliteteve shqiptare dhe të huaja për shërbime të shquara dhe sakrifica të kryera për kombin shqiptar dhe demokracinë.
Titulli "Kalorës i urdhrit të Skënderbeut" U jepet personaliteteve shqiptare dhe të huaja për akte të veçanta heroike në mbrojtjen, forcimin dhe përparimin e Republikës së Shqipërisë.
Titulli "Kalorës i urdhrit të flamurit" U jepet personaliteteve shqiptare dhe të huaja për veprimtarinë e tyre në dobi të shtetit dhe kombit shqiptar.
Titulli "Martir i demokracisë" U jepet personaliteteve shqiptare dhe të huaja, që janë martirizuar për veprimtarinë e tyre të shquar për lirinë, demokracinë dhe përparimin shoqëror të Republikës së Shqipërisë dhe të kombit shqiptar.
Titulli "Mjeshtër i madh" Urdhri - Mjeshtër i Madh.jpg U jepet punonjësve të fushave të ndryshme të shkencës, artit, sportit, drejtimit, prodhimit dhe biznesit për punë të shquara dhe kontribut thelbësor në zhvillimin e sektorit.
Titulli "Naim Frashëri" Urdhri - Naim Frashëri i Artë ose i Argjendtë.jpg U jepet personaliteteve shqiptare dhe të huaja, punonjësve të shkencës, artit, kulturës dhe arsimit për veprimtari të çmuara dhe lartësimin e Republikës së Shqipërisë në fushën përkatëse.
Titulli "Për merita të veçanta civile" Medalja - Për Merita të Veçanta Civile.jpg U jepet personaliteteve shqiptare dhe të huaja për merita të veçanta civile në Republikën e Shqipërisë.

Lista e medaljeve[redakto | përpunoni burim]

Që jepen nga Kuvendi i Republikës:

Emri Fotografia Shënime
Medalja "Qytetar nderi i Republikës së Shqipërisë" U jepet personaliteteve shqiptare ose të huaja, për vepra me efekte të spikatura në historinë dhe kulturën e kombit shqiptar, të cilat njihen si arritje madhore.

Që jepen nga që jep ministri përgjegjës (aktualisht Ministria e Mbrojtjes) për Forcat e Armatosura të Republikës:

Emri Fotografia Shënime
“Medalja e nderit”  U jepet ushtarakëve aktivë dhe në rezervë të Forcave të Armatosura për trimëri, guxim dhe kontribut të spikatur, duke rrezikuar jetën mbi dhe përtej asaj çfarë kërkon detyra.
“Medalja e mirënjohjes” Medalja e Mirënjohjes.jpg U jepet ushtarakëve aktivë, në rezervë, në lirim ose në pension, personelit civil dhe ushtarakëve të reparteve të Forcave të Armatosura brenda dhe jashtë vendit. Kjo medalje u jepet edhe ushtarakëve të huaj, të cilët kanë dhënë një kontribut të veçantë në shërbim të Forcave të Armatosura të Republikës së Shqipërisë.
Medalja “Në shërbim të atdheut” U jepet të gjithë ushtarakëve aktivë ose në rezervë dhe personelit civil të Forcave të Armatosura, që shërben në kohë lufte për mbrojtjen e atdheut.
Medalja “Për shërbime të shquara”  U jepet ushtarakëve aktivë dhe personelit civil të Forcave të Armatosura, që janë dalluar, në kohë paqeje, për shërbime të merituara në detyrat me përgjegjësi të lartë.
Medalja “Për shërbime të larta”  I jepet personelit civil të Forcave të Armatosura për arritje të veçanta në kryerjen e detyrave të tyre për një periudhë jo më pak se 5 vjet.

Që jepen nga që jep ministri përgjegjës (aktualisht Ministria e Punëve të Brendshme) për rendin dhe sigurinë publike:

Emri Fotografia Shënime
“Medalja e nderit”  U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, punonjësve të shërbimeve mbështetëse, si dhe punonjësve të huaj të policisë, të atashuar në vendin tonë, të cilët shquhen për merita dhe shërbime të veçanta në luftën ndaj krimit, sigurimit të rendit e të qetësisë publike, në ruajtjen dhe administrimin e pronës dhe në ushtrimin e përgjegjësive të tjera të parashikuara nga ligji për Policinë e Shtetit, si dhe në mbështetjen e Policisë së Shtetit.
Medalja “Për trimëri”  U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, të cilët tregojnë cilësi të veçanta, kurajë e guxim në realizimin e detyrave, misioneve dhe zgjidhjen e situatave të jashtëzakonshme.
Medalja “Për shpëtim jete”  U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, të cilët kryejnë akte ose veprime heroike në një konflikt, operacion a situatë të jashtëzakonshme për shpëtimin e jetës së personaliteteve, kolegëve, duke vënë në rrezik jetën e tyre.

Që jepen nga Kryeministri i Republikës dhe nga ministrat e tjerë:

Emri Fotografia Shënime
Medalja “Mirënjohje publike” U jepet personaliteteve të shquara ose personaliteteve shqiptare dhe të huaja me kontribut të veçantë në fushën e veprimtarisë brenda përgjegjësisë së tyre.
Medalja “Vlerësim profesional” U jepet personaliteteve të shquara, në veprimtarinë profesionale, në fushën e veprimtarisë brenda përgjegjësisë së tyre

Lista e titujve vendorë të nderit[redakto | përpunoni burim]

Që jepen nga Këshilli bashkiak:

Emri Fotografia Shënime
Titulli "Qytetar nderi" U jepet personaliteteve shqiptare ose të huaj për veprimtari të shquar në dobi të bashkisë përkatëse ose për veprimtari për mbrojtjen dhe promovimin e interesave të saj.

Që jepen nga Këshilli i qarkut:

Emri Fotografia Shënime
Titulli "Nderi i qarkut" U jepet personaliteteve shqiptare ose të huaj për veprimtari të shquar në dobi të qarkut përkatës apo për veprimtari për mbrojtjen dhe promovimin e interesave të tij.

Lista[redakto | përpunoni burim]

Në listën e mëposhtme janë të rradhitura dekoratat të cilat ndahen në Shqipëri të cilat kanë të bëjnë me lloje të ndryshme të veprimtarive dhe cilësive të individëve dhe grupeve.

Shih edhe[redakto | përpunoni burim]

Red right arrow.svg
 Artikulli kryesor: Lista e dekoratave në Kosovë.
Red right arrow.svg
 Artikulli kryesor: Lista e dekoratave ndërkombëtare.

Burimi i të dhënave[redakto | përpunoni burim]

  1. ^ Fjalor i Gjuhës së Sotme Shqipe - Tiranë, 1980