Bujar Nishani

Nga Wikipedia, enciklopedia e lirë
Jump to navigation Jump to search

{{Kutia Politikan | Emri = Bujar Nishani | Figura = Bujar Nishani.jpg | Madhësia e Figurës = 230px | Detyra = President i Shqipërisë | Fillimi i afatit = 24 korrik 2012 — [[24 korrik]2017 | Mbarimi i afatit = | Paraardhësi = Bamir Topi | Pasardhësi = Ilir Meta | Detyra2 = Ministër i Brendshëm i Shqipërisë | Fillimi i afatit2 = 20 mars 2007 | Mbarimi i afatit2 = 17 shtator 2009 | Paraardhësi2 = Gjergj Lezhja | Pasardhësi2 = Lulzim Basha | Fillimi i afatit3 = 25 prill 2011 | Mbarimi i afatit3 = 12 qershor 2012 | Paraardhësi3 = Lulzim Basha | Pasardhësi3 = Flamur Noka | Detyra4 = Ministër i Drejtësisë | Fillimi i afatit4 = 17 shtator 2009 | Mbarimi i afatit4 = 25 prill 2011 | Paraardhësi4 = Enkelejd Alibeaj | Pasardhësi4 = Eduard Halimi | Datëlindja = 29 shtator 1966 | Vendlindja = Durrës | Datëvdekja = | Vendvdekja = | Kombësia = Shqiptar | Profesioni = Ushtarak, Jurist | Partia = PD | Bashkëshortja = Odeta Nishani | Feja = | Fëmijët = Ersi Nishani [Fiona Nishani]] | Emblema = Emblem of the President of the Republic of Albania.jpg | Emblema_përshkrim = President i Shqipërisë }}

Bujar Nishani është politikan shqiptar dhe Presidenti aktual i Shqipërisë. Ai ka qënë deputet i Partisë DemokratikeKuvendin e Shqipërisë dhe Ministër në Qeverinë e Shqipërisë.

Biografia[redakto | redakto tekstin burimor]

Nishani u lind më 29 shtator 1966 në qytetin e Durrësit.

Edukimi Shkollor[redakto | redakto tekstin burimor]

Studimet e larta i kreu në Akademinë Ushtarake “Skënderbej” në Tiranë, në vitin 1988. Ka kryer studimet pasuniversitare në Kaliforni, në Shtetet e Bashkuara të Amerikës, për “Menaxhimin e Resurseve të Mbrojtjes”, në vitin 1996. Studioi për Jurispudencë në Fakultetin e Drejtësisë, në Universitetin e Tiranës, ku u diplomua si jurist në vitin 2004. Në vitin 2005 merr titullin “Master”, në Studimet Evropiane, në Shkollën e Studimeve Evropiane, pranë Universitetit të Tiranës.

Karriera[redakto | redakto tekstin burimor]

Karrierën profesionale e nisi si pedagog në Akademinë Ushtarake “Skënderbej” në vitin 1988. Më pas, në vitin 1993 punoi në Drejtorinë për Marrëdhëniet me Jashtë në Ministrinë e Mbrojtjes, duke vazhduar në vitin 1994 në Ministrinë e Jashtme në Drejtorinë e Marrëdhënieve me NATO-n dhe në vitin 1996 në Kabinetin e Ministrit të Mbrojtjes. Në vitin 1997 kthehet në profesion të lirë si Kryetar i Forumit të Ushtarakëve Euro-Atlantikë.

Karriera politike e zotit Bujar Nishani ka kaluar nëpër këto etapa: në vitin 1991 anëtarësohet në Partinë Demokratike; në vitin 2001 zgjidhet Sekretar i Degës së Partisë Demokratike për Tiranën; në vitin 2003 zgjidhet anëtar i Këshillit Bashkiak të Bashkisë Tiranë nga lista e Partisë Demokratike; në vitin 2005, zgjidhet anëtar i Këshillit Kombëtar të Partisë Demokratike dhe më pas anëtar i Kryesisë Qendrore të kësaj partie.

Në korrik të vitit 2005, zoti Nishani zgjidhet deputet në zonën elektorale 34, në Tiranë si përfaqësues i Partisë Demokratike.

Nga marsi 2007 – shtator 2009 mbajti portofolin e Ministrit të Brendshëm; nga shtatori 2009 – prill 2011 kreu detyrën e Ministrit të Drejtësisë; për t’u rikthyer përsëri në prill të vitit 2011 si Ministër i Brendshëm, detyrë të cilën e mbajti deri në qershor të vitit 2012, kohë në të cilën Kuvendi i Shqipërisë e zgjodhi në detyrën e Kreut të Shtetit.

Më 11 qershor 2012 Kuvendi Popullor e zgjodhi President të Republikës së Shqipërisë në raundin e katërt me 73 vota pro dhe 1 votë kundër. Në 24 korrik 2012, Bujar Nishani betohet në Kuvendin e Shqipërisë si President i Republikës.

Jeta personale[redakto | redakto tekstin burimor]

Bujar Nishani ka grua Odeta Nishanin dhe kanë dy fëmijë, Ersi dhe Fiona Nishani.

Referencat[redakto | redakto tekstin burimor]

Lidhje të jashtme[redakto | redakto tekstin burimor]