Liga e Volejbollit e Shqipërisë
Liga e Volejbollit e Shqipërisë është një kompeticion që konsiston në pjesëmarrjen e klubeve profesioniste të volejbollit për meshkuj në Shqipëri dhe është evenimenti më i rëndësishëm në këtë disiplinë. U themelua në vitin 1946 nga FSHV. Kupa e volejbollit e Shqipërisë është evenimenti i dytë për nga rëndësia.
Ekipi me më shumë trofe është KS Dinamo, që e kanë fituar këtë ligë për numrin rekord 25 herë.[1]
Liga konsiston në 12 ekipe profesioniste në Shqipëri dhe është një nga ligat më të vjetra në Ballkan, themeluar që në vitin 1946. Ky sport u rrit me shpejtësi në Shqipëri dhe rreth viteve 70' pothuaj cdo qytet kishte sallën apo fushën e volejbollit të vet. Pas rënies së komunizmit shumë klube u tkurrën pasi shumë lojtarë u larguan nga Shqipëria për të luajtur në vende të tjera. Pjesëmarrja e fansave gjithashtu u reduktua ndjeshëm dhe popullariteti i këtij sporti u ul në shifra shqetësuese. Gjithsesi, pas vitit 1993 pati njëfarë përmirësimi në këtë drejtim sepse shumë qytete ri-krijuan dhe stabilizuan ekipet e tyre. Sot në Shqipëri ekzistojnë 12 ekipe profesioniste sikurse dhe një sasi e madhe ekipesh amatore, të gatshme për të hyrë në ligat profesioniste.
Evenimenti
[Redakto | Redakto nëpërmjet kodit]Anëtarët e Ligës së Volejbollit Shqiptar grupohen në 2 divizione: Liga e Parë (ose Liga A) dhe Liga e Dytë (ose Liga B). Secili divizion ka 9 ekipe të cilave u duhet të luajnë 2 herë me njëra tjetrën në dy faza të ndryshme gjatë sezonit të rregullt. Në cdo fazë, një ekip luan ndaj secilit kundërshtar 2 herë, një herë në fushën e tij dhe një herë në fushë kundërshtare. Kjo përbën një numër prej 16 ndeshjesh në sezonin e rregullt.
Pasi sezoni i rregullt përfundon, 4 ekipet më të mira kualifikohen për fazën finale ku ekipi i parë ndeshet me ekipin e 4të, ndërsa ekipi i dytë ndeshet me ekipin e tretë. Nga këto përplasje kualifikohet ekipi që fiton 2 ndeshjet e para, ndërkohë që ndeshjet luhen brenda dhe jashtë, derisa të arrihen 2 fitore. Ekipet që fitojnë këto përplasje kualifikohen për në finalet që luhen nëpër fushat respektive, ndeshjet luhen brenda dhe jashtë në varësi të shortit. Ekipi që arrin 3 fitore i pari shpallet kampion.
Fitoret vlejnë 2 pikë dhe humbjet 1 pikë. Në fund të sezonit, 2 ekipet që zënë vendet 5-6 humbasin fazën finale. Ekipi që zë vendin e 6të kalon në Ligën B, ndërsa ekipi që zë vendin e 5të luan kundër ekipit që renditet i dyti në Ligën B dhe fituesi ka të drejtën që të luajë në Ligën A.
Fituesit
[Redakto | Redakto nëpërmjet kodit]Më poshtë janë fituesit ndër vite të Ligës:
Renditja Trofeve
[Redakto | Redakto nëpërmjet kodit]KS Dinamo 25 herë
Partizani Tirana 16 herë
Studenti Tiranë 15 herë
KV Tirana 11 herë
Teuta 5 herë
Erzeni Shijak 4 herë
Vllaznia 1 herë