Mesfushori (futboll)

Nga Wikipedia, enciklopedia e lirë
Jump to navigation Jump to search
Rrathet blu jane lojtaret mesfushore

Mesfushorët sipas shoqates të futbollit janë lojtarë te cilët luajnë në mes të fushës.Disa mesfushore luajnë një rol mbrojtës ndërsa disa të tjerë luajnë rol sulmues.Numri i mesfushorëve në një ndeshje varet nga formacioni i ekipit. Mesfushorët përdorin më shumë energji sesa të tjerët pasi duhet të mbrojnë sulmuesit kundërshtarë dhe gjithshtu duhet të kthehen përseri në sulm,pra distanca që bën nje mesfushor është më e madhe se ajo e të tjerëve.

Mesfushori qëndror[Redakto | Redakto nëpërmjet kodit]

Mesfushori qëndor është lojtari që luan në qëndër të fushës. Ai luan në mes të mbrojtjes dhe sulmit. Mesfushorët organizojnë lojën sulmuese të skuadrës dhe e pasojnë topin tek sulmuesit. Këto lojtarë do të përpiqen ta pasojnë topin te mesfushorët sulmues ose sulmuesit e ekipit si dhe mund të ndihmojë në sulmet e ekipit duke vrapruar përpara në zonën e kundërshtarit dhe duke gjuajtur topin vetë.

Mesfushori mbrojtës[Redakto | Redakto nëpërmjet kodit]

Mesfushorët mbrojtës janë lojtarë në mesfushë që përqëndrohen më shumë në mbrojtjen e portës së ekipit të tyre. Këta lojtarë mund të mbrojnë një zonë para mbrojtjes së ekipit të tyre, ose të markojnë një lojtar kundërshtar të caktuar.[1] Këta mesfushorë mund të tërhiqen edhe në pozicionet e mbrojtësit të krahut ose qëndrës nëse lojtarët e këtyre pozicioneve shkojnë përpara për të marrë pjesë në aksione sulmuese.[2] Një lojtar tipik i këtij pozicioni, Sergio Busquets, ka folur në lidhje me këtë gjë: "Trajneri e di që unë jam lojtar i bindur që më pëlqen të ndihmojë dhe nëse më duhet të vrapojë në krahë për të mbulurar pozicionin e dikujt, atëherë mirë."[2] Një mesfushor mbrojtës i mirë duhet të zotërojë një pozicionim të saktë, të jetë i aftë të parashikojë sulmet e kundërshtarëve, të markojë, të kryej ndërhyrje, të pasojë saktë si dhe të ketë rezistencë dhe forcë. Në futbollin e Amerikës së Jugut, ky pozicion njihet me emrin volante de marca (timoni), kurse veçanërisht në Meksikë njihet si volante de contención. Në Portugali njihet si trinco.[3]

Mesfushori mbajtës[Redakto | Redakto nëpërmjet kodit]

Një mesfushor mbajtës ose mesfushor i tërhequr qëndron afër mbrojtjes së ekipit, kurse mesfushorët e tjerë mund të shkojnë përpara për të sulmuar.[4] Mesfushori mbajtës mund të ketë përgjegjësi kur ekipi i tij është nën zotërimin e topit. Lojtarët e këtij pozicioni zakonisht bëjnë pasime të shkurtra te lojtarët më sulmues të ekipit si dhe mund të provojnë edhe pasime të vështira sipas strategjisë së ekipit. Marcelo Bielsa konsiderohet si pionjeri i këtij pozicioni. Ky pozicion mund të shihet më mirë në formacionet 4–2–3–1 dhe 4–4–2 (në formë diamanti).[5]

Fillimisht, një mesfushor mbrojtës, ose "shkatërrues", dhe një organizator, ose "krijues", shpesh ishin në fushë së bashku me njëri-tjetrin si dy mesfushorët qëndror të ekipit. Shkatërruesi zakonisht ishte përgjegjës për të bërë ndërhyrje, të rifitonte topin si dhe ta pasonte atë te organizatori, i cili ishte përgjegjës për ruajtjen e topit si dhe vazhdimin e aksioneve, shpesh duke dhënë topa të gjatë në krahë, në mënyrën e një organizatori të modës së vjetër i quajtur regista.

Mesfushor anësorë[Redakto | Redakto nëpërmjet kodit]

Mesfushori anësorë është lojtari që luan në krah të majtë ose të djathtë të fushës. Një nga lojtarët më të mirë që ka luajtur në krahun e djathtë të mesfushës është David Beckham.

Referimet[Redakto | Redakto nëpërmjet kodit]

  1. ^ Michael Cox (16 korrik 2010). "The final analysis, part three: brilliant Busquets" [Analiza finale, pjesa tre: gjeniali Busquets]. zonalmarking.net (në anglisht). Zonal Marking. Marrë më 28 korrik 2013.
  2. ^ a b Sid Lowe. "Sergio Busquets: Barcelona's best supporting actor sets the stage" [Sergio Busquets: Aktori më i mirë mbështetës i Barcelonës vendos skenën] (në anglisht). The Guardian. Marrë më 30 tetor 2014.
  3. ^ "50 Best Defensive Midfielders in World Football History" [50 mesfushorët mbrojtës më të mirë në historinë e botës së futbollit] (në anglisht). Bleacher Report. 21 nëntor 2011. Marrë më 21 maj 2020.
  4. ^ F. Edward (28 janar 2014). "On Going Beyond Holding Midfielders" [Përtej mesfushorëve mbajtës]. Cartilage Free Captain (në anglisht). Marrë më 31 tetor 2014.
  5. ^ Michael Cox (29 janar 2010). "Teams of the Decade #11: Valencia 2001-04" [Ekipi i Dekadës #11: Valencia 2001-04]. zonalmarking.net (në anglisht). Zonal Marking. Marrë më 28 korrik 2013.