Monumenti i Kostandin Kristoforidhit

Nga Wikipedia, enciklopedia e lirë
Jump to navigation Jump to search
Monumenti i Kostandin Kristoforidhit.JPG

Monumenti i Kostandin Kristoforidhit ndodhet në qytetin e ElbasanitShqipëri. Kjo është një vepër e rëndësishme e skulpturës monumentale shqiptare e ngritur pas v. 1960, punuar nga skulptorët Kristaq Rama dhe Mumtaz Dhrami, e përuruar më 24 nëntor 1962.

Vendndodhja[Redakto | Redakto nëpërmjet kodit]

Në lulishten me të njëjtin emër, në krah të shëtitores kryesore të qytetit, ku krijon një kompleks unik me torrën lindore të kalasë dhe godinën e teatrit Skampa në kryqëzim me rrugën e Universitetit. Kjo hapësirë është me një pamje prezantuese për qytetin e Elbasanit. Figura është e kompozuar ulur dhe është vendosur mbi një kub të thishte dhe të veshur me mermer të bardhë e me sfond të rrethuar nga pishat. Monumenti i është kushtuar babait të gjuhës shqipe që i parapriu kërkesave të popullit shqiptar për dije, liri dhe mëvetësi kombëtare.

Kostandin Kristoforidhi është ulur, me librin e abetares përpara mbështetur mbi gjunjë, ndërsa shikimin e tret larg në përfytyrimin e historisë që do të rrjedhë më pas, mbi kombin shqiptar. Është realizuar me stil realist-dekorativ në modelimin e sipërfaqeve të figurës, me plastikë të qetë. Skulptura prezanton njëkohësisht aktivitetin e rilindësve elbasanas në shërbim të pavarësisë kombëtare dhe me frymën stilistike të kohës, kur u ngrit kjo vepër skulpturale.