Teatri "Skampa"

Nga Wikipedia, enciklopedia e lirë
Jump to navigation Jump to search
Teatri

Teatri “Skampa” (apo ish-kinema "Nacional") ndodhet në qytetin e Elbasanit. Është ndërtuar në vitin 1935 me financimin e Xhavit bej Biçakçiut[1] si dhuratë e tij për qytetin e Elbasanit. U realizua nga arkitekti Halit Narazani dhe përfaqëson objektin më të rëndësishëm me funksion kulturor në qytetin e Elbasanit. Ka një kapacitet prej 292 vendesh. Akustika e këtij teatri është një nga më të mirat në Shqipëri dhe ndër më të mirat në Ballkan.

Trupa e teatrit “Skampa” ka vënë në skenë pjesë të ndryshme si dramë, komedi, tragjedi por edhe jane zhvilluar shume festivale dhe aktivitete rinore. Pjesë të vëna janë: Drama “Shtatë Shaljanët” dhe komedinë “Njeriu që pa vdekjen me sy”, të dramaturgut rumunme origjinë shqiptare Viktor Eftimiu. Komedia, me regji të Lec Shllakut, e cila u vu në skenë në vitin 1970, u ndoq nga afër nga dramaturgu Eftimiu, i cili vlerësoi lojën e aktorëve në përgjithësi, sidomos interpretimin e aktorëve Shpëtim Shmili, Robert Ndrenika dhe Haxhi Sejko. Deri në vitet 1980 trupa profesioniste e teatrit “Skampa” vuri në skenë mbi 30 drama e komedi, mes të cilave dhe shfaqjen “Familja e peshkatarit”, e cilësuar si një ndër më të sukseshmet. Të mirëpritura nga artdashësit kanë qenë dhe shfaqjet “Shërbëtori i dy zotërinjve”, “Dy krisma në Paris”, “Engjëjt e skëterrës”, “Turneu”, “Nepërka”, të cilat mbajnë ‘vulën’ e këtij teatri. Ata që kanë interpretuar janë nderuar me tituj të lartë si “Artist i Popullit”, “Artist i merituar”,“Aleksandër Moisiu’, etj.

Më 4 gusht 2011 Përfshihet nga flakët teatri “Skampa” në qytetin e Elbasanit. Zjarri ka përfshirë ambjentet e brendshme. Janë djegur skena, holli, karriget, gjithçka e shkrumbuar. Godina e ndërtuar në vitin 1930 u shkrumbua brenda pak orëve.

Mësohet se zjarri ra fillimisht në një hotel ngjitur me teatrin por më pas ai u përhap duke prekur edhe atë.


Burimet[Redakto | Redakto nëpërmjet kodit]

  1. ^ "Gazeta Shekulli - Dogjën teatrin "Skampa", arrestohen babë e bir, Bardha Nergjoni". Arkivuar nga origjinali origjinali më 6 gusht 2011. Marrë më 29 janar 2012. Mungon ose është bosh parametri |language= (Ndihmë!)