Rrahim Beqiri

Nga Wikipedia, enciklopedia e lirë
Jump to navigation Jump to search

Rrahim Beqiri (1 Janar 19572 Gusht 2001)
i njohur si Komandant Roki ishte njëri nga komandantët më të shquar të Ushtrisë Çlirimtare të Kosovës (UÇK) dhe i Ushtrisë Çlirimtare Kombëtare, i cili mori pjesë në Luftën e Kosovës, në Luftën e Luginës së Preshevës dhe në Luftën e Maqedonisë (2001). Lindi më 1 janar 1957 në fshatin Kopernicë të Komunës së Dardanës (ish Kamenicës) në Kosovë, dhe vdiq më 2 gusht 2001 në Spitalin e Prishtinës pasi që nuk arriti tu mbijetoj plagëve të marra në trup në Betejën e Tetovës, e cila u zhvillua gjatë Luftës së vitit 2001 në Maqedoni.

"Sytë hapur më mbesin, kur shoh Shqipërinë e ndarë, Amanet ua lë unë Roki, kurrë të mos ndalet lufta drejt Bashkimit Kombëtar" (Rrahim Beqiri–Roki).

Rrahim Beqiri
Pseudonimi/et"Komandant Roki"
Lindur më1 Janar 1957
Kopernicë, Komuna e Dardanës, ish–Jugosllavia, (tani Kosovë)
Vdekur më2 Gusht 2001
Spitali i Prishtinës, Prishtinë, Kosovë
Në aleancë meCoat of arms of the Kosovo Liberation Army.svg Ushtria Çlirimtare e Kosovës

UCPMB logo.svg Ushtria Çlirimtare e Preshevës, Medvegjës dhe Bujanocit

Uck Nla logo.svg Ushtria Çlirimtare Kombëtare
Vite shërbimi1998 – 2001
GradaKomandant
NjësiaBrigada 112 "Mujdin Aliu" (Tetovë, Maqedoni)
Commands heldZona Operative e Marecit (Kosovë)
Drenoc, Komuna e Tetovës (Maqedoni)
Betejat/luftratLufta në Kosovë
ÇmimetUrdhëri Hero i Kosovës (pas vdekjes)

Rrahim Beqiri Shkollën fillore e mbaroi në vendlindje, ndërsa Shkollën e mesme e mbaroi në Gjimnazin e qytetit të Kamenicës (Dardanës) dhe më pas i vazhdoi studimet në Fakultetin e Letërsis së Gjuhës Shqipe në Prishtinë, ku edhe u diplomua me sukses. Rrahim Beqiri ishte edhe organizator i demonstratave të viteve 1981 dhe 1990, të cilat u zhvilluan në Prishtinë kundër regjimit të Millosheviçit që kërkonte shuarjen e qënies shqiptare në Kosovë. Disa herë ishte arrestuar dhe torturuar nga policia serbe. Me fillimin e Luftës në Kosovë në vitin 1998, Rrahimi iu bashkangjit Ushtrisë Çlirimtare të Kosovës (UÇK-së) dhe u emërua komandant i Zonës Operative të Marecit deri në përfundim të luftës. Pas përfundimit të Luftës në Kosovë, dhe me fillimin e Luftës në Luginë të Preshevës, Rrahimi i bashkangjitet Ushtrisë Çlirimtare të Preshevës, Medvegjës dhe Bujanocit (UÇPMB-së) dhe më vonë Ushtrisë Çlirimtare Kombëtare në rajonin e Tetovës, ku edhe u emërua Komandant i Brigadës 112 "Mujdin Aliu". Mori pjesë në Betejën e Tetovës e cila u zhvillua nga 16 Marsi deri më 13 Gusht të vitit 2001, ndërmjet UÇK-së dhe Ushtrisë Maqedonase. Në këtë betejë Rrahim Beqiri u plagos rëndë nga një granatë e armikut, ku mori lëndime për vdekje në trup, dhe më pas u dërgua në Spitalin e Prishtinës ku edhe vdiq më 2 gusht të vitit 2001, pasi që nuk arriti tu mbijetoj plagëve të marra në trup. U varros me nderime të larta ushtarake në Varrezat e Dëshmorëve në Kamenicë të Kosovës.

Literatura[Redakto | Redakto nëpërmjet kodit]

Lufta e Kosovës

Ushtria Çlirimtare e Preshevës,Medvegjës dhe Bujanocit

Lufta e vitit 2001 në Maqedoni