Rrahim Beqiri

Nga Wikipedia, enciklopedia e lirë
Jump to navigation Jump to search

Rrahim Beqiri (1 janar 1957 - 2 gusht 2001)

- Rrahim Beqiri i njohur ndryshe me nofkën "Komandant Roki" ishte njëri nga komandantët më të shquar të Ushtrisë Çlirimtare Kombëtare gjatë luftës së vitit 2001 në Maqedoni. Ai lindi më 1 janar 1957 në fshatin Kopernicë të Komunës së Dardanës (ish Kamenicës) në Kosovë. Shkollën fillore e mbaroi në vendlindje, ndërsa Shkollën e mesme e mbaroi në gjimnazin e qytetit të Kamenicës dhe më pas i vazhdoi studimet në Fakultetin e Letërsis së Gjuhës Shqipe në Prishtinë, ku edhe u diplomua me sukses. Rrahim Beqiri ishte edhe organizator i demonstratave të viteve 1981 dhe 1990, të cilat u zhvilluan në Prishtinë kundër regjimit të Millosheviçit që kërkonte shuarjen e qënies shqiptare në Kosovë. Me fillimin e Luftës në Kosovë në vitin 1998, Rrahimi iu bashkangjit Ushtrisë Çlirimtare të Kosovës (UÇK-së) dhe luftoi burrërisht deri në përfundim të luftës. Pas përfundimit të Luftës në Kosovë, dhe me filimin e Luftës në Luginë të Preshevës, Rrahimi i bashkangjitet Ushtrisë Çlirimtare të Preshevës,Medvegjës dhe Bujanocit (UÇPMB-së) dhe më vonë Ushtrisë Çlirimtare Kombëtare në rajonin e Tetovës, ku edhe u emërua Komandant i Brigadës 112 "Mujdin Aliu". Mori pjesë në Betejën e Tetovës e cila u zhvillua nga muaji Mars deri në muajin Gusht të vitit 2001, ndërmjet Ushtrisë Çlirimtare Kombëtare dhe Ushtrisë së Republikës së Maqedonisë. Në këtë betejë Rrahim Beqiri u plagos rëndë nga një granatë e armikut, ku mori lëndime të rënda në trup, dhe më pas u dërgua në Spitalin e Prishtinës ku edhe vdiq më 2 gusht të vitit 2001, pasi që nuk arriti tu mbijetoj plagëve të marra në trup. U varros me nderime të larta ushtarake në fshatin e tij të lindjes në Kopernicë.