Jump to content

Save the children

Nga Wikipedia, enciklopedia e lirë

Save the Children fund[1] është një organizatë jo-qeveritare ndërkombëtare që promovon të drejtat e fëmijëve, siguron lehtësim dhe ndihmon mbështetje të fëmijëve në vendet në zhvillim.[2] Save the Children Fund u themelua në Londër, Angli, më 15 prill 1919 nga Eglantyne Jebb dhe motra e saj Dorothy Buxton si një përpjekje për të lehtësuar urinë e fëmijëve në Gjermani dhe Austro-Hungari gjatë bllokimit të Aleatëve të Gjermanisë të Luftës së Parë Botërore i cili vazhdoi pas armëpushimit.[3] Save the Children promovon ndryshimet e politikave për të fituar më shumë të drejta për të rinjtë [4] në veçanti nga zbatimi Deklaratës së OKB-së për të Drejtat e Fëmijëve. Ajo synon të përmirësojë jetën e fëmijëve nëpërmjet edukimit të mirë, kujdesit shëndetësor, dhe mundësive ekonomike, si dhe sigurimin e ndihmës emergjente në fatkeqësitë natyrore, luftrave, dhe konflikteve të tjera. Rrjeti global i organizatave jofitimprurëse mbështetëse të partnerëve lokalë, anëtarë të Save the Children International, është i shtrirë në mbi 120 vende të botës. Anëtarët e Aleancës koordinojnë përpjekjet e ndihmës emergjente, për të mbrojtur fëmijët nga efektet e luftës dhe dhunës.[2] Save the Children ka status të përgjithshëm konsultativ me Këshillin Ekonomik të Kombeve të Bashkuara dhe Këshillit Social.

Origjina

[Redakto | Redakto nëpërmjet kodit]

Save the Children Fund u themelua në Londër, Angli, më 15 prill 1919 nga Eglantyne Jebb dhe motra e saj Dorothy Buxton si një përpjekje për të lehtësuar urinë e fëmijëve në Gjermani dhe Austro-Hungari gjatë bllokimit të Aleatëve të Gjermanisë të Luftës së Parë Botërore i cili vazhdoi pas armëpushimit.[3] The Fight the Famine Council ka filluar herët në 1919 përpjekjet për të vënë në presion politik qeverinë britanike për t'i dhënë fund bllokadës dhe takimi i parë është ai i mbajtur në shtëpinë e Catherine Courtney, në 15 Cheyne Walk. Megjithatë, më 15 prill 1919, motrat arritën ta ndajnë veten nga politikat e Këshillit duke krijuar një "Save the Children Fund" të veçantë. Në maj të vitit 1919, Fondi është themeluar publikisht në një takim në Royal Albert Hall të Londrës, në mënyrë që "të sigurojë ndihmë për fëmijët që vuajnë pasojat e luftës" dhe të mbledhë para për ndihmë emergjente për fëmijët që vuajnë nga mungesa e ushqimeve dhe furnizimeve gjatë kohës së luftës.[5] Në dhjetor të 1919-s, Papa Benedikti XV shpalli publikisht mbështetjen e tij për Save the Children dhe deklaroi 28 dhjetorin si "Dita e të pafajshmëve" në mënyrë që të mbledhë donacione[6]. Dega e parë u hap në Fife, Skoci në vitin 1919. Një e ngjashme, Radda Barnen (që do të thotë "Save the Children"), u themelua më vonë atë vit në Suedi, dhe së bashku me një numër të organizatave të tjera, ata themeluan unionin Save the Children në Gjenevë me datën 6 janar 1920. Jebb ndërtoi marrëdhënie të shkëlqyera me organizata të tjera me bazë në Gjenevë, duke përfshirë dhe Kryqin e Kuq.[3] Jebb përdori shumë teknika në mbledhjen e fondeve, duke e bërë Save the Children bamirësen e parë në Mbretërinë e Bashkuar që përdorurte reklama me gjatësinë e faqes në gazeta. Jebb kontraktoi mjekët, avokatët dhe profesionistët e tjerë në mënyrë që të nxisnin fushata reklamimi në masë. Në vitin 1920, Save the Children filloi sponsorizimin individual të fëmijëve si një mënyrë për t'u angazhuar më shumë donatorë. Deri në fund të vitit, Save the Children krijoi fondin e saj monetar që ekuivalentohet në rreth 1.000.000 £ në ditët e sotme.[6]

Uria Ruse

[Redakto | Redakto nëpërmjet kodit]

Në gusht të 1921, Save the Children kishte arritur të përmirësonte kushtet për fëmijët në Evropën Qendrore falë përpjekjeve të tyre. Megjithatë, uria ruse e vitit 1921 e bëri Jebb të kuptojë se Save the Children duhet të jetë një organizatë e përhershme dhe se të drejtat e fëmijëve vazhdimisht duhet të jenë të mbrojtura.[7] Misioni i tyre tashmë ndryshoi në "një përpjekje ndërkombëtare për të ruajtur jetën e fëmijëve kudo që janë të kërcënuar nga kushtet e vështirësive ekonomike dhe ankthi".[6]

Nga viti 1921 deri në 1923, Save the Children organizoi fushata për shtyp, filma propagandistike dhe qendra të të ushqyerit në Rusi dhe në Turqi për të ushqyer dhe edukuar mijëra refugjatë. Ata filluan të punojnë me disa organizata të tjera të tilla si “Famine” Fondi i Ndihmës rus dhe Nansen cila rezultoi në njohjen nga ana e Lidhjeve të Kombeve. Edhe pse Rusia mbylli komunikiminpër ndihmë ndërkombëtare, Save the Children bindi autoritetet sovjetike t'u lejonte atyre një terren te caktuar[3]. Daily Express kritikoi punën e Fondit, duke mohuar peshën e situatës dhe duke pretenduar se ato duhet të ndihmojnë njerëzit e tyre para se të ndihmojnë Rusinë. Save the children u përgjigj me rritjen e publicitetit të punës së saj në lidhje me permirësimin e urisë, duke treguar imazhet e fëmijëve të uritur dhe varret masive. Mbi 157 milionë racione iu dhanë Rusisë, duke shpëtuar rreth 300.000 fëmijë. Përfundimisht, Save the Children mbylli programin e saj rus të të ushqyerit në verën e vitit 1923 duke i krijuar mundësinë organizatës për të arritur legjitimitetin ndërkombëtar.[3][8]

Lufta e dytë Botërore

[Redakto | Redakto nëpërmjet kodit]

Në fund të Luftës së Dytë Botërore, imazhet e fëmijëve të kequshqyer dhe të sëmurë u përhapën në të gjithë Evropën. Jebb dhe motra e saj punuan për të fituar simpatinë e publikut në mënyrë që të siguronin mbështetje.[9] Stafi i Save The Children ishin ndër të parët në zonat e çliruara pas Luftës së Dytë Botërore, duke punuar me fëmijët e refugjatëve dhe personat e zhvendosur në Evropën e pushtuar, duke përfshirë të mbijetuarit e kampeve të përqendrimit. Në të njëjtën kohë, ato vazhdonin të punonin në Mbretërinë e Bashkuar duke u fokusuar në përmirësimin e rritjes së kushteve për fëmijët në qytetet e shkatërruara nga bombardimet dhe në përballjen me ndërprerjet e mëdha në jetën familjare.[6]

Deklarata e të Drejtave të Fëmijëve

[Redakto | Redakto nëpërmjet kodit]

Në vitin 1923, Jebb deklaroi: "Unë besoj se ne duhet të kërkojme të drejtat e caktuara për fëmijët për njohjen e tyre universale, në mënyrë që të gjithë - jo vetëm numri i vogël i njerëzve të cilët janë në gjendje të kontribuojnë në fondet e ndihmave, por të gjithë që në ndonjë mënyrë bien në kontakt me fëmijët, që do të thotë pjesa më e madhe e njerëzimit -. mund të jetë në një pozicion për të ndihmuar përpara lëvizjen"[10]. Jebb krijoi kështu draftin fillestar të OKB-së për Deklaratën e të Drejtave të Fëmijëve në vitin 1923. Kjo deklaratë përmbante kriteret e mëposhtme:

  1. Fëmija që ka uri duhet të ushqehet, fëmija që është i sëmurë duhet të mjekohet, fëmija që është i prapambetur duhet të ndihmohet, fëmija me vonesë duhet të bonifikohet, dhe jetimi duhet strehuar dhe t’i jepet ndihmë.
  2. Fëmija duhet të jetë i pari që merr ndihmë në kohë të vështira.
  3. Fëmija duhet të vihet në një pozicion që të fitojë një jetesë, dhe duhet të mbrohet kundër çdo forme të shfrytëzimit.
  4. Fëmija duhet të rritet me vetëdijen se talentet e tij duhet të jenë në shërbim të njerëzve të tjerë.[3]

Konventa mbi të Drejtat e Fëmijës

[Redakto | Redakto nëpërmjet kodit]

Pas mizorisë së Luftës së Dytë Botërore, OKB-ja miratoi Deklaratën Universale të të Drejtave të Njeriut në vitin 1948. Megjithatë, shumë njerëz mendonin se të drejtat e fëmijëve duhet të adresohen në një dokument të veçantë me detaje të mëtejshme.

Në nëntor 1959 Asambleja e Përgjithshme e OKB-së ndryshoi kriteret fillestare të Jebbit në mënyrë që të hartonteDeklaratën për të Drejtat e Fëmijës. Deklarata përbëhej nga dhjetë parime jo-detyruese për shtetet në mënyrë që të punojnë në interesin më të mirë të fëmijës. Megjithatë, kjo deklaratë e vitit 1959 nuk ishte e detyrueshme ligjërisht dhe ishte vetëm një deklaratë e parimeve të përgjithshme[11].Në vitin 1989, megjithatë, ajo u miratua nga Asambleja e Përgjithshme e OKB-së. Më 2 shtator 1990 u bë e drejtë ndërkombëtare.[11]

Referime

[Redakto | Redakto nëpërmjet kodit]
  1. ^ "Charity Commission Registration details". Arkivuar nga origjinali më 3 tetor 2012. Marrë më 10 qershor 2014. {{cite web}}: Mungon ose është bosh parametri |language= (Ndihmë!)
  2. ^ a b About Us Arkivuar 20 maj 2011 tek Wayback Machine. Save the Children/
  3. ^ a b c d e f Yates 2011
  4. ^ Nault, pg. 4 2003
  5. ^ Nault, pg. 6 2003
  6. ^ a b c d History Arkivuar 15 mars 2005 tek Wayback Machine. Save the Children.
  7. ^ Nault, pg. 7 2003
  8. ^ Breen, Rodney (1994). "Saving Enemy Children: Save the Children's Russian Relief Organisation, 1921-1923". Disasters 18 (3), 221-237.
  9. ^ Hyder, pg. 2 2005
  10. ^ Hyder, pg. 3 2005
  11. ^ a b UNICEF 2008
Marrë nga "https://sq.wikipedia.org/w/index.php?title=Save_the_children&oldid=2724525"