Shërbimi Gjeologjik Shqiptar

Nga Wikipedia, enciklopedia e lirë
Shko te: navigacion, kërko
Logo Zyrtare e SHGJSH

Shërbimi Gjeologjik Shqiptar është institucion publik i financuar nga buxheti i shtetit i cili ka për qëllim grumbullimin dhe studimin e të dhënave në territorin e Republikës së Shqipërisë në fushën e gjeoshkencave.

Historia[redakto | redakto tekstin burimor]

Pamje e Drejtorisë së Përgjithshme të SHGJSH.
Foto: Sokol Marku

Studimet gjeologjike në Shqipëri kanë filluar që në shekullin e 19-të, nga gjeologë të huaj, kryesisht francezë, austriakë e italianë.

Ndër më të shquarit mund të përmendim Franz Baron von Nopsca (hungarez), Ernst Nowack (çeko-austriak), Herman Wetters (austriak) Stanisllav Zuber (Polak), A. Marteli (italian), Jaques Bourcard (francez). Të gjithë këta hartuan harta gjeologjike të shqipërisë në shkallë të ndryshme

Në mënyrë të organizuar, studimi gjeologjik i Shqipërisë filloi në vitin 1922, me krijimin e Zyrës Gjeologjike e cila ka një aktivitet të dokumentuar deri në vitin 1929.

Më pas rinisin studimet me krijimin e Shërbimit Gjeologjik Shqiptar në vitin 1952, institucion i cili e mbajti këtë emër deri në vitin 1992 kur u shndërruan në GjeoAlba Sh.a., por edhe kjo strukturë u reformua përsëri me ligjin Ligjin Nr. 8366 për SHGJSH, me të cilin, institucioni, përsëri u njoh me emërtimin tradicional. Sot Shërbimi Gjeologjik Shqiptar, ka kaluar nëpërmjet një sërë reformimesh, të cilat synojnë të krijojnë një strukturë sa më të aftë e moderne, që ti përshatet sa më mirë nevojave aktuale. Prej datës 1 Prill 2007 Shërbimi Gjeologjik Shqiptar është anëtar i EuroGeoSurveys, Shoqatës së Shërbimeve Gjeologjike Europiane.

Harta Gjeologjike e Shqiperise, shk. 1:200 000, viti 2002

Gjatë kësaj periudhe janë prodhuar një sërë hartash, shumica e të cilave të pabotuara. Ndër hartat e botuara mund të përmendim

  • Harta Gjeologjike e Shqipërisë shkalla 1:200 000, viti 1929 (Nga Ernst Nowack)
  • Harta Gjeologjike e Shqipërisë shkalla 1:200 000, viti 1957 (E.A. Stankeev. Z. A. Mishunina dhe E. A. Ivanova)
  • Harta Gjeologjike e Shqipërisë shkalla 1:200 000, viti 1967 (Teki Biçoku etj.)
  • Harta Gjeologjike e e RPSSH të Shqipërisë shkalla 1:200 000, viti 1983 (Grup Autorësh)
  • Harta Gjeologjike Shqipërisë shkalla 1:200 000, viti 2002 (koordinatorë Abedin Xhomo etj.)

Po kështu në shkallë 1:200 000 janë publikuar edhe Harta Hidrogjeologjike e Shqipërisë, Harta Tektonike e Shqipërisë, Harta Metalogjenike e Shqipërisë.

Të gjitha këto janë përmbledhje e rëndësishme e punës dhjetëravjeçare të kryer nga gjeologët shqiptarë dhe përbëjnë një kontribut të rëndësishëm në fushën e gjeoskencave ne nivel kombëtar e ndërkombëtar.

Drejtori i Pergjitheshem[redakto | redakto tekstin burimor]

Drejtori i Përgjithshëm i Shërbimit Gjeologjik Shqiptar, kryen drejtimin administrativ të këtij institucioni. Ai është person me autoritet shkencor dhe me përvojë pune në Shërbimin Gjeologjik Shqiptar.

Aktualisht Drejtor i Përgjithshëm i Shërbimit Gjeologjik Shqiptar është Prof. Dr. Adil Neziraj. Ai e mban këtë post që prej fillimit të vitit 2006.

Drejtuesi i parë i Zyrës Gjeologjike themeluar nga shteti shqiptar më 1922 ishte Dr. Ernst Nowack (në periudhën 1922-1929), ndërsa Drejtori i parë i përgjithshëm i institucionit të emërtuar Shërbimi Gjeologjik Shqiptar ishte Prof. Zihni Sinojmeri (periudha 1952-1955)

Më poshtë, jepet një renditje të Drejtorëve të Përgjithshëm në një rend zbritës kohor:

  • Prof. Dr. Adil Neziraj (Drejtor Aktual i Përgjithshëm)
  • Dr. Hamdi Beshku (2001-2006)
  • Prof. Dr Mehmet Zaçaj (1997-2001)
  • Vasil Grillo (1992-1997)
  • Ndoc Uci (1991-1992)
  • Halil Hallaçi (1987-1991)
  • Haki Caslli (1982-1987)
  • Ramadan Vladi (1974-1982)
  • Akad. Prof. Dr.Teki Biçoku (1965-1974)
  • Zenel Hamiti (1960-1965)
  • Xhaferr Spahiu (1957-1959)
  • Zenel Hamiti (1955-1965)
  • Prof. Zihni Sinoimeri (1952-1955)
  • Dr.Ernst Nowack (1922-1929)

Funksionimi[redakto | redakto tekstin burimor]

Nga drejtoritë e SHGJSH të cilat funksionojnë sipas strukturës organizative të miratuar, kryhet studimi i gjeologjisë, burimeve ujore, minerale, kryhen analiza të ndryshme në laboratorët e tij, etj. Drejtoritë janë të vendosura në Tiranë dhe në rrethe.

Vendodhja dhe oraganizimi i struktures[redakto | redakto tekstin burimor]

Drejtoria e Përgjithëshme e Shërbimit Gjeologjik Shqiptar gjëndet në Tiranë, në adresën Rruga e Kavajës, Nr 153.

Shih edhe[redakto | redakto tekstin burimor]

Lidhje të jashtme[redakto | redakto tekstin burimor]