Bufi

Eurasian Eagle-owl
Klasifikimi shkencor
Mbretëria:	Animalia
Filumi:	Chordata
Klasa:	Aves
Rendi:	Strigiformes
Familja:	Strigidae
Gjinia:	Bubo
Lloji:	B. bubo
Emri binomial
Bubo bubo (Linnaeus, 1758)
Range of Eurasian Eagle Owl

Kanë një përhapje të madhe në Kontinentin Evropian. Bën pjesë në familjen Strigidae.

Gjatësia

60-75 cm, krahët e hapur : 160-188 cm.

Përshkrimi

Fluturon pothuajse vetëm natën në kërkim të ushqimit. Është shumë më i madh në trup se bufat e tjerë të natës, veshët i ka shumë të dukshëm, ngjyrën përgjithësisht të murrme me njolla dhe pulla më të errëta. Në fluturim, dallon nga sqepi i shkurtër, krahët e gjerë dhe koka e vogël. Rrahja e krahëve është çuditërisht e shpejtë. Sytë janë në ngjyrë portokalli në të kuqe. Ai është i vetmi zog që sheh ngjyrën blu.

Përhapja dhe habitati

Janë të përhapur në të gjithë rajonin, në zonat kodrinore dhe malore. Përgjithësisht janë shumë sedentarë. Të vegjlit largohen nga territori i prindërve në kërkim të ushqimit dhe zonës së shumimit.

Riprodhimi

Folezojnë në mjedise tepër të ndryshëm nga shpatet shkëmbore deri tek pyjet halore. Foletë i vendosin në tokë, në vrimat apo të çarat e shkëmbinjve, por edhe në zgavra pemësh të vjetra. Femra lëshon 2-4 vezë që çelin pas 34-36 ditësh. Zogjtë e vegjël fluturojnë pas 50-60 ditësh.

Ushqimi

Kryesisht gjitarë të vegjël.

Zëri

Kënga e mashkullit është më e shpeshtë në fillim të sezonit të riprodhimit (shkurtmars). Fillon zakonisht një orë pas perëndimit të diellit. Përbëhet nga një “uu-bo” e ngjirur që përsëritet çdo 8 sekonda. Femrat kanë zë më të ulët se meshkujt. Kënga e femrës është një “ki-ki-kikej” e mprehtë, shoqëruar me përplasje të sqepit.