Tahir Zajazi

Tahir Zajazi (1940, Zajaz) është profesor universitar dhe didakticien shqiptar nga Maqedonia e Veriut.

Biografia

Tahir Zajazi lindi në Zajaz të Kërçovës, ku mori edhe arsimin fillor. Kreu Normalen e Shkupit pas së cilës vazhdoi studimet për pedagogji në Universitetin e Shkupit. Doktoroi në Universitetin e Zagrebit, përkatësisht të Tiranës. Për qëllime studimore qëndroi në disa qendra universitare dhe studimore jashtë vendit. Fillimisht, ishte mësues, pastaj kryeshef i arsimit në Tetovë, mësimdhënës në gjimnazin e këtij qyteti, përkatësisht në Akademinë Pedagogjike të Shkupit, këshilltar i arsimit. Ai ishte njëri nga themeluesit, mësimdhënës dhe dekan në Universitetin Shtetëror të Tetovës, si dhe mësimdhënës në Universitetin e Evropës Juglindore në këtë qytet. U mor me çështje profesionale pedagogjike, sidomos të didaktikës. Mori pjesë në konferenca dhe aktivitete të ndryshme shkencore-profesionale. Hartoi dhe botoi disa vepra profesionale.

Vepra

• "Efekti i mësimit të programuar laboratorik" (1994),
• "Pedagogjia e arsimit" (1997),
• "Metodologjia e mësimdhënies dhe mësimnxënies" (2003),
• "Perfeksionimi i vazhdueshëm i absolventëve të diplomuar të Fakultetit Pedagogjik në UEJL" (2007),
• "Metodologjia e hulumtimeve shkencore në shkencat shoqërore" (2017),
• "Skicë e rrugëtimit pedagogjik të një jete në arsim" (2018)

Shih edhe

• Arsimi në Maqedoninë e Veriut