Thanas Moraiti

Thanas Moraiti (greqisht Thanassis Moraitis), i lindur më 1956 në Kaznes të Thivës, është këngëtar, kompozitor dhe studiues arvanitas.

Jeta

Ai është nga Vajaja (lagjja Kaznes), një fshat i Thivës. Si 13 vjeçar, ai dhe prindërit e tij, si shumë bashkëfshatarë të tjerë e braktisin Vajanë dhe u vendosën në një lagje të Athinës. Moraiti ka studiuar shkencat politike në Universitetin Pantion, muzikë bizantine nën instruktorin dhe master kantorin e Katedrales së Athinës Spyros Peristeris; ka kënduar nën drejtimin e këtij të fundit nga viti 1983 deri në vitin 1993 si anëtar i rregullt i korit të Katedrales së Athinës.

Që nga viti 1992 ai punon me Markos Dragoumis në Arkivin Folklorik Muzikor "Melpo Merlier" të Qendrës së Studimeve të Azisë së Vogël, për tema që lidhen me muzikën greke demotike dhe bizantine.

Krijimtaria

Gjatë viteve 1984-1989 ka punuar me Mikis Theodorakis, duke marrë pjesë në koncerte në Greqi dhe jashtë saj.

Këngë

Arvanite

• 1988: publikoi albumin e tij të parë të dyfishtë me këngë të pabotuara arvanitase në bashkëpunim me Dhimitër Leka (Demetrios Lekkas).
• 1996: publikoi një CD të dyfishtë në të cilën Moraiti këndon 26 këngë të papublikuara nga arvanitasi nga Kasambaja afër Smirnës Dhimitër Atraidhi (Dimitris Atraidis).
• 1999: publikoi albumin e tij të dytë me këngë të pabotuara arvanitase nga Greqia dhe Italia e Jugut të titulluar Rose of the Rocks në bashkëpunim me Dhimitër Leka dhe Niko Grapsa (Nicos Grapsas).

Të tjera

• 1988: publikoi albumin Lieder (këngë nga Mikis Theodorakis) me këngëtaren-aktoren gjermane Gisela May (BMG-Ariola; ribotuar në formë CD dhe publikimi i parë në Greqi, Protasis 2003).

• 2002: publikoi CD-në e dytë me vepra dhe këngë të Manos Hadjidakis të shënuara nga Dhimitër Leka me titull Hënat e mia shekullore, zogjtë e mi të ri fluturuar (FM Records).
• 1997: formoi Bukurana, një kuintet i përzier instrumentesh klasike, me qëllim që të prezantojë një repertor të veprave muzikore të artit grek në të gjithë Greqinë. Publikimi i parë me këtë ansambël ishte CD-ja e lëshuar në vitin 2001 me titull Përmes degëve të yjeve, me interpretimet e tij të veprave të Mani Haxhidakut (Manos Hadjidakis) të shënuara nga Dhimitër Leka.

Kompozime

• 17 ninulla (në tekstin e tij) për një grup të vogël instrumental, interpretuar nga Nena Venetsanou, Sonia Theodoridou, Maria Dimitriadi dhe aktorja Lydia Koniordou, që qarkulluan si një album muzikor së bashku me pjesë të letërsisë dhe artit piktor. nën titullin Lull blossom of blossoms - Ode to Mother.
• Foto për trishtimin e vajzave bionde dhe të Elenit (CD dyshe me 6 punime), në bashkëpunim me Orkestrën Megaron, Kameratën e Miqve të Muzikës (në 2 vepra) drejtuar nga Alexandros Myrat.

Botime

• Anthology of Arvanitic songs from Greece (Qendra e Studimeve të Azisë së Vogël, 2002). Libër që përfshin një CD me 152 këngë tradicionale në formë partiture, të plotësuar me nota muzikologjike, historike, metrike dhe gjuhësore; hyrje teorike dhe analiza muzikologjike nga Dhimitër Leka.

Lidhje të jashtme

Faqja zyrtare elektronike Arkivuar 23 janar 2022 tek Wayback Machine