Universiteti Vitrina

Nga Wikipedia, enciklopedia e lirë
Shko te: navigacion, kërko

NGA INTERNETI[redakto | redakto tekstin burimor]

Shiko tekstin 1:1

Çfarë ofron Shkolla e Lartë Private “Vitrina” - Hapësira të bollshme dhe lehtësira të ndryshme Kampusi Universitar “Vitrina” është një ndër kampuset më të mëdhenj në Shqipëri. Me një hapësirë prej 20.000 metra katrorë, ai mirëpret të gjithë studentët që vazhdojnë studimet e tyre në katër fakultetet e licensuara. Në të njëjtën kohë, një rrjet i tërë autobuzësh dhe mikrobuzësh është vënë në shërbim të studentëve për të udhëtuar drejt Universitetit “Vitrina”. Hapësira të tjera të bollshme, si bare, restorante etj., janë gjithnjë të hapura për të mirëpritur studentët gjatë kohës së relaksit. - Bibliotekë shkencore e nivelit universitar Në kuadër të ciklit të të parë të studimeve, pranë Shkollës së Lartë Private “Vitrina” është ngritur një bibliotekë shkencore në shërbim të studentëve që ndijekin studimet pranë këtij universiteti. Që prej themelimit të saj biblioteka është pasuruar vazhdimisht dhe vijon të pasurohet më tej. Aktualisht ajo përmban mbi 50.000 libra të botuar dhe 50.000 të tjerë në formë elektronike, duke u kthyer kështu në një ndër bibliotekat më të pasura të arsimit privat në Shqipëri. Për këtë arsye studentëve që do të ndjekin ciklin e dytë të studimeve pranë Shkollës së Lartë “Vitrina”, u ofrohet një bibliotekë e pasur të thelluar njohuritë e tyre. - Mjedise laboratorike dhe mundësi për të praktikuar njohuritë Për të përmbushur edhe më tej standardet e kërkuara për një proces mësimor sa më të thelluar dhe për ta pasuruar atë më tej me praktikën laboratorike, në ambientet e Shkollës së Lartë Private “Vitrina” studentëve të inxhinierisë elektronike, u ofrohet mundësia që të gjithë praktikën e tyre laboratorike ta kryejnë brenda ambienteve të universitetit. Laboratori në të cilin kryhen një sërë procesesh dhe eksperimentesh ka në përbërje të gjitha pajisjet e nevojshme për të kryer eksperimentet që kërkon ky cikël studimesh të avancuara. - Bashkëpunime dhe shkëmbime stafesh me universitete homologe Shkolla e Lartë Private “Vitrina” në bazë të marrëveshjeve që ka nënshkruar me universitete të tjera brenda dhe jashtë vendit, ka nisur shkëmbimin e stafeve pedagogjike me këto universitete në kuadër të kontributit të ndërsjellë për të pasur eksperienca të njëjta. Në të njëjtën kohë, është arritur që prej këtyre bashkëpunimeve të ndërsjella të përfitojnë studentët bashkë me pedagogët. - Marrëveshje me institucione të tjera akademike dhe arsimore Shkolla e Lartë Private “Vitrina” ka nënshkruar një sërë marrëveshjesh me institucione akademike dhe universitete të ndryshme brenda dhe jashtë vendit tonë. Ndër këto marrëveshje mund të përmendim: me Akademinë e Shkencave (Tiranë); Universitetin “FAMA” (Prishtinë, Kosovë); Qendrën Shëndetësore “Shëndeti” (Tiranë); Universitetin e “Trakës” (Edrene, Turqi); Universitetin “ILIRIA” (Prishtinë, Kosovë); Kolegjin Universitar “Biznesi” (Prishtinë, Kosovë); Institutin e Historisë (Prishtinë, Kosovë); Spitalin “Elita” (Ferizaj, Kosovë). Këto marrëveshje ka hyrë në fuqi menjëherë dhe shumë prej aktiviteteve të menduara dhe planifikuara janë venë në jetë, ashtu siç edhe shumë të tjera presin që të aktualizohen e konkretizohen në përputhje me plan-projektet e hartuara. - Shërbim dhe siguri ndaj stafit dhe studentëve Për të ofruar edhe më shumë siguri dhe shërbim, brenda Sh.L.P. “Vitrina” është ngritur edhe një qendër shëndetësore e cila punon gjatë gjithë kohës, për t’i ofruar studentëve një shërbim cilësor dhe siguri shëndetësore gjatë qëndrimit të tyre në ambientet e universitetit tonë.