Valentina Kita

Valentina (Xhezo) Kita (Elbasan, 26 janar 1960) aktore e teatrit dhe filmit shqiptar^[1]. Kreu studimet në Institutin e Lartë të Arteve për aktore. Përveç roleve televizive dhe kinematografike, ka luajtur një sërë rolesh teatrale në Teatrin "Skampa" dhe në Teatrin Kombëtar. Ka interpretuar rreth 50 role, nga të cilat veçohen: Aleksandra tek "Nepërka", Ana tek "Engjëjt e skëterrës", Ana te "Vdekja", Aspasia tek "I pangopuri", Theothoria te "Pushteti i grave", Zana te "Kyci i artë", Jona te "Turneu"^[2]. Gjithashtu ka punuar si regjisore në programacione të ndryshme të Radio Televizionit Shqiptar.

Karriera profesionale

Ka luajtur në shtatë filma artistikë, ku dy ishin role kryesore, si dhe në disa telekomedi. Aktrimin e ka filluar me një rol të vogël në filmin "Nata e parë e lirisë" (1984)^[3]. Roli i saj më i spikatur ka qënë ai i Xhulit në telenovelën Njerëz dhe Fate, në të cilin interpretonte bashkëshorten e një biznesmeni të korruptuar. Në këtë telenovelë ajo luante në krah të bashkëshortit të saj, aktorit Piro Kita, i cili interpretonte rolin e të dashurit të saj.

Filmografia

Nata e Parë e Lirisë - shoqja e Petritit, (1984) – film
Vendimi - Klotilda, (1984) – film
Kronikë e atyre viteve, (1986) – film televiziv
Pranvera s'erdhi vetëm - (shoqja e dhomës), (1988) – film
Ngjyrat e Moshës - Meri Kola, (1990) – film
Hajdutët - Xhuli, (1995) – telekomedi
Njerëz dhe Fate - Xhuli, (2002-2003) – telenovele
Tifozët - Xhevo, (2004) – telekomedi
Gjoleka, Djali i Abazit - Komshia e inatosur, (2006) – film
Ballkan Pazar - Angjeliqi, (2011) – film

Teatër

Kyçi i Artë - Zana, (1985)
Pushteti i Grave - Theodhoria, (1985)
Turneu - Jona, (1987)
Sa Shumë Gjethe të Thata Atë Vjeshtë - Meli, (1989)
Nepërka - Aleksandra, (1989)
Qytetrrethimi - Suzi, (1998)
Darka e të Marrëve - (1999)
Pastiçeri e Merituar “Bellavista” - (2000)
Profesioni Më i Vjetër - Lilian, (2001)
Engjëjt e Skëterrës - Klara
I Pangopuri - Aspasia
Vdekja - Ana

Referime

↑ Hoxha, Abaz (2002). Enciklopedi e kinematografisë shqiptare. Tiranë: Toena. fq. 420. ISBN 99927-1-570-7.
↑ "Valentina Kita (1960)". Urbannews.al (në anglishte amerikane). 2021-01-26. Marrë më 2025-09-22.
↑ Sporti, Kinemaja-Arti Skenik & (2021-01-25). "Valentina Kita - Xhezo | Profile!". Albanian Cinematography - Sport (në anglishte amerikane). Marrë më 2025-09-22.

[1] Hoxha, Abaz (2002). Enciklopedi e kinematografisë shqiptare. Tiranë: Toena. fq. 420. ISBN 99927-1-570-7.

[2] "Valentina Kita (1960)". Urbannews.al (në anglishte amerikane). 2021-01-26. Marrë më 2025-09-22.

[3] Sporti, Kinemaja-Arti Skenik & (2021-01-25). "Valentina Kita - Xhezo | Profile!". Albanian Cinematography - Sport (në anglishte amerikane). Marrë më 2025-09-22.

[1]

[2]

[3]