Veterinaria

Nga Wikipedia, enciklopedia e lirë
Jump to navigation Jump to search
Një faqe dorëshkrimi veterinar nga shek. XIV
Një ekzaminim i syrit të macës nga një veterinar

Veterinaria është dega e mjekësisë që merret me parandalimin, kontrollin, diagnostikimin dhe trajtimin e sëmundjeve, çrregullimeve dhe dëmtimeve te kafshët. Së bashku me këtë, ajo ka një rëndësi të madhe për mbarështimin dhe rritjen e kafshëve, blegtorinë, zooteknikën, shumimin, hulumtimet përkatëse shkencore mbi ushqimin dhe zhvillimin e produkteve. Shtrirja e mjekësisë veterinare është e gjerë, duke mbuluar të gjitha llojet e kafshëve, të zbutura dhe të egra, me një gamë të gjerë kushtesh të cilat mund të prekin specie të ndryshme.

Përmbledhje[Redakto | Redakto nëpërmjet kodit]

Mjekësia veterinare praktikohet gjerësisht, si me ashtu edhe pa mbikëqyrje profesionale. Kujdesi profesional drejtohet më së shpeshti nga një mjek veterinar (i njohur gjithashtu si një veteriner, mjek i kafshëve ose kirurg veterinar), por edhe nga punonjës paraveterinerë të tillë si infermierë ose teknikë veterinarë. Kjo veprimtari mund të përfshijë edhe profesionistë dhe specializantë të tjerë si p.sh. fizioterapeut apo stomatolog i kafshëve,nallban (mbathës kuajsh), etj..

Shkenca veterinare ndihmon edhe shëndetin e njeriut përmes monitorimit dhe kontrollit të sëmundjeve zoonotike (sëmundje infektive që transmetohet nga kafshët tek njerëzit), sigurisë ushqimore dhe indirekt përmes aplikimeve njerëzore nga kërkimet themelore mjekësore. Ato gjithashtu ndihmojnë në ruajtjen e furnizimit me ushqim përmes monitorimit dhe trajtimit të shëndetit të bagëtisë dhe shëndetit mendor duke mbajtur kafshët shtëpiake të shëndetshme dhe me jetë të gjatë. Shkencëtarët veterinarë shpesh bashkëpunojnë me epidemiologë dhe shkencëtarë të tjerë të shëndetit ose të natyrës, në varësi të llojit të punës. Shikuar nga aspekti etik, veterinerët zakonisht janë të detyruar të kujdesen për mirëqenien e kafshëve. Veterinerët diagnostikojnë, trajtojnë dhe ndihmojnë në mbajtjen e kafshëve të sigurta dhe të shëndetshme.

Shih edhe[Redakto | Redakto nëpërmjet kodit]

Literatura[Redakto | Redakto nëpërmjet kodit]

Lidhje të jashtme[Redakto | Redakto nëpërmjet kodit]

Commons-logo.svg
Një kategori në Wikimedia Commons përmban dokumente multimediale për Veterinaria.