Warhorse Studios
WarHorse Studios (në shqip Studio Kali i Luftës) është një kompani çeke themeluar në vitin 2011 nga personalitete me karrierë të gjatë në industrinë e lojërave kompjuterike si Daniel Vavra, Martin Klima, Victor Bocan dhe Zbyněk Trávnický.[1]
Personat e përfshirë në kompaninë WarHorse Studios kanë punuar në tituj të ndryshëm për Kompjuter Personal si Mafia dhe Mafia 2, UFO Triology, ARMA, etj. Personat e përfshirë kanë kontribuar edhe në krijimin e lojërave të ndryshme për celularë, për konsola xhepi (si Nintendo DS), e të tjera.[2]
Kompania në fjalë publikoi lojën e saj të parë Kingdom Come: Deliverance më 13 shkurt 2018. Loja është një RPG e cila zhvillohet në Boheminë mesjetare të përfshirë në Perandorinë e Shenjtë Romake dhe ka një theksim të lartë të realizmit historik. Ajo u financua suksesshëm në KickStarter dhe pati arritje të madhe komerciale edhe pse një lojë e shënjestruar për një audiencë të veçuar dhe specifike.[3][4] Motori programues i përdorur për krijimin e titullit në fjalë është CryENGINE 3 nga Crytek.[5]
Referime
[Redakto | Redakto nëpërmjet kodit]- ↑ "Marrë më datë 12 shtator, 2014 nga blogu zyrtar i WarHorse Studios" (në çekisht). Arkivuar nga origjinali më 4 mars 2016. Marrë më 2 shtator 2018.
- ↑ "About Us nga Warhorse Studios. Marrë më datë 12 shtator, 2014" (në anglisht). Arkivuar nga origjinali më 21 tetor 2017. Marrë më 2 shtator 2018.
- ↑ "Projekti në KickStarter me financim £1,106,371; marrë më datë 13 shtator, 2014" (në anglisht).
- ↑ "Të dhëna mbi numrin e shitjeve dhe të ndjekësve të lojës. Marrë më 2 shtator, 2018" (në anglisht).
- ↑ "Artikull zyrtar nga kompania Crytek, më datë 9 shkurt, 2012, e cila gëzon të drejtën e motorit" (në anglisht).
Lidhje të jashtme
[Redakto | Redakto nëpërmjet kodit]- Siti zyrtar i WarHorse Studios në gjuhën angleze Arkivuar 21 shtator 2014 tek Wayback Machine
- Faqja zyrtare e WarHorse Studios në Facebook