Arben Pëllumbi

Arben Pëllumbi
Të dhëna vetjake
U lind më	1965 Korçë
Nënshtetësia	Shqiptar
Partia politike	PS
Arsimimi	Universiteti i Tiranës
Punësimi	Politikan

Arben Pëllumbi, është politikan dhe deputet i Kuvendit të Shqipërisë. I lindur në qytetin e Korçës në vitin 1965, është rritur dhe ka studiuar në Tiranë, qytet ku zhvillon dhe aktivitetin e tij politik.

Biografia

Në vitin 1988 ka përfunduar studimet e larta në Universitetin e Tiranës, në Degën “Inxhinieri Elektrike” dhe fillimisht ka punuar si Inxhinier Projektues, në Institutin e Studimeve Metalurgjike Elbasan, Dega e Metaleve me ngjyra Laç, e më pas në Institutin e Informacionit Tiranë.

Përveç angazhimit në profesionin e inxhinierit, për një kohë të gjatë ka qenë aktiv dhe i suksesshëm dhe në fushën e biznesit. I biri i ish-kryetarit të Kuvendit të Shqipërisë Servet Pëllumbi, Arben Pëllumbi vjen nga një famile me lidhje të hershme me politikën.

Arben Pëllumbi është i martuar dhe babai i 3 fëmijëve , një djali dhe dy vajzave.

Jeta Politike

Në zgjedhjet e Qershorit 2017 u zgjodh deputet i Qarkut Tiranë, ku ka përfaqësuar ish-zona rurale, që sot janë pjesë e Bashkisë Tiranë.Në shtator të vitit 2018, Asambleja Kombëtare e Partisë Socialiste me propozim të kryetarit të partisë, Edi Rama, i besoi detyrën e rëndësishme të Sekretarit Organizativ dhe në vitin 2019 edhe atë të Koordinimit Elektoral të Partisë Socialiste të Shqipërisë.

Në zgjedhjet e datës 25 prill 2021 për Kuvendin e Shqipërisë, u rendit i 8 në listën shumëemërore të Partisë Socialiste, duke përfaqësuar Njësinë 2 në Tiranë.