Dukagjini (Malzi)

Dukagjin
Fshat
Koordinatat: 42°6′37″N 20°16′22″E
Shteti	Shqipëria
Qarku	Kukës
Bashkia	Kukës
Njësia administrative	Malzi

Dukagjini është një fshat në ish-komunën Malzi të rrethit të Kukësit të Shqipërisë. Me reformën e qeverisjes vendore 2015 ai u bë pjesë e bashkisë Kukës.

Etimologjia

Emri i fshatit rrjedh nga familja fisnike shqiptare e Dukagjinëve të Mesjetës, e cila sundonte zonën para pushtimit osman.

Historia

Ndryshe nga shumë fshatra të tjerë të zonës, Dukagjini nuk përmendet në asnjë nga tre defterët osmanë të shekullit të 16-të. Është përmendur për herë të parë në vitin 1638 nga Frang Bardhi, me emrin e sotëm. Bardhi vëren: "Fshati i dytë është Dukagjini, i përbërë nga 15 shtëpi dhe 100 banorë, i cili gjithashtu ka kishën e sipërpërmendur të Shën Sebastianit."

Fshati përmendet përsëri në veprat e Vicko Zmajević (1703), Ivan Jastrebov (1904) dhe regjistrimin austro-hungarez të viteve 1916–18.

Në fund të shekullit të 19-të, albanologu Theodor Ippen vuri në dukje se imami i Dukagjinit ruante ende zbukurimet e altarit të ish-kishës katolike të fshatit. Një vëzhgim i ngjashëm është bërë edhe nga Jastrebov, i cili në vitin 1904 shkruante se një vendas i zonës i kishte treguar që imami i Dukagjinit thuhej të rridhte nga priftërinjtë katolikë të fshatit. Thuhej gjithashtu se ky imam mbante në shtëpinë e tij sende që i përkisnin priftërinjve. Për më tepër, xhamia e ditëve të sotme besohet të jetë ndërtuar mbi rrënojat e kishës së vjetër.

Në vitin 1923 u hap në Dukagjin shkolla e parë shqipe në zonën e Malziut.

Bibliografia

• Hoxha, Shefqet (2013). Malziu (Bubrrime historike-etnologjike-folklorike-gjuhësore). Mirgeeralb. ISBN 978-99280-7-196-5.