Euridika e Ilirisë

Euridika (greqishtja e lashtë: Εὐρυδίκη, latinisht: Eurydice) ishte mbretëreshë ilire nga viti 212 pes. deri mes viteve 189/181 pes. përndryshe gruaja e Pleuratit të Tretë dhe nëna e mbretit ilir, Gentit.

Biografia

Babai i saj ishte Mbreti Amunandri i Athamanisë. Në vitin 220 Euridika u martua me Pleuratin III, djalin e Skedilaidit, që i përkiste dinastisë ardiane të Mbretërisë ilire. Euridika kishte tashmë një djalë, Karavantin, i cili më vonë, si gjysmëvëlla i Gentit, u bë një nga kryekomandantët e Mbretërisë Ilire. Nga martesa e Pleuratit dhe Euridikës lindën edhe dy djem: Platori dhe Genti. Burri i saj Pleurati III në vitin 212 u bë sundimtar i ilirëve, dhe vdiq diku mes viteve 189-181. Në fron e pasoi djali i tij, Genti, i cili ndërkohë, në luftë për pushtet vrau të vëllain e tij, Platorin, dhe më pas u martua me Etlevën (Etutën). Gjatë mbretërimit të Gentit, ai gradualisht u përball me Republikën Romake, dhe më pas pësoi një disfatë shkatërruese nga romakët gjatë Luftës së Tretë Romako-Ilire të vitit 168. Mbreti dhe familja e tij, të hequr nga froni, duke përfshirë nënën e tij, Euridikën, dy djemtë Pleuratin dhe Skerdilaidin vdiqën në mërgim në qytetin italian Iguvium.

Shih edhe

• Genti
• Pleurati III
• Mbretëria e Ilirisë
• Euridika II e Maqedonisë

Literatura

• Cabanes, Pierre. (1988) Les illyriens de Bardulis à Genthios (IVe–IIe siècles avant J.-C.). Paris: SEDES. Regard sur l’histoire, 65. ISBN 2718138416
• Ceka, Neritan. (2013) The Illyrians to the Albanians. Tirana: Migjeni. ISBN 9789928407467
•  Hammond, N.G.L. (1966) The kingdoms of Illyria circa 400–167 B.C. The Annual of the British School at Athens, LXI. 239–253. o.
• Fanoula Papazoglou (1965), "Les origines et la destinée de l'État illyrien (Illyrii proprie dicti)", Historia – Zeitschrift für Alte Geschichte (në frëngjisht), vëll. 14, fq. 143–179
•  Wilkes, John. (1992) The Illyrians. Oxford; Cambridge: Blackwell. The Peoples of Europe, ISBN 0631146717