Jak Jungu

Nga Wikipedia, enciklopedia e lirë
Jump to navigation Jump to search

Jak Jungu ose Junku (it. Giacomo Jung ose Jungg; Trento, 22 maj 1837 - Shkodër, 12 shkurt 1899) ka qenë jezuit, misionar italian dhe hartues i dy veprave mbi gjuhën shqipe.

Biografia[Redakto | Redakto nëpërmjet kodit]

U lind në Trento në Perandorinë Habsburge, sot pjesë e Italisë, më 22 maj 1837. Më 22 nëntor 1855 është në Shoqërinë jezuite në Verona. Nga 1857-1859 ndoqi mësimet për retorikë dhe një vit filozofi po në Veronë, 1860. Më 1861 mbaroi studimet në Feldkirch (Austri), gjatë viteve 1862-64 kreu magistero-n (fazë parapërgatitore) në Shkodër e nga 1865-1868 mori mësime teologjie morale në Verona, më pas studjoi dhe një vit në Romë (1869) dhe më 15 gusht 1869 është coaditor (atë shpirtëror).[1]

Më 1870 u kthye në Shkodër, ku pas dy viteve nisi të jepte mësim gjuhe shqipe në Kolegjin Saverian.[2]

Që nga 1880 punoi për themelimin e Misionit shetitës (Missione volante), që u realizua më pas nga P. Dedë Pasi. Ndërroi jetë në Shkodër më 12 shkurt 1899.

Shkroi vepra fetare e kulturore. Dy janë librat me vlerë gjuhësore: "Elementi grammaticali della lingua albanese", Scutari, 1881 dhe fjalori i cili titullohet "Fialuur i voghel Sccyp e Ltinisct", mbledhun prej P. Jak Junkut S.J., Sckodër me Sctamp t Kolegs Papnore, shtypun n Sckoder t Scqypnis 1895.[1]

Referimet[Redakto | Redakto nëpërmjet kodit]

  1. ^ a b Pepa, Simon (16 nëntor 1999). "Kontributi i Klerit Katolik në Leksikografinë Shqiptare". Phoenix. Marrë më 11 mars 2018. Mungon ose është bosh parametri |language= (Ndihmë!)
  2. ^ Kazazi, Lindita (2014). "Pikëtakime dhe ndikime të italishtes (punim doktorature)" (PDF). f. 100. Mungon ose është bosh parametri |language= (Ndihmë!)

Lidhje të jashtme[Redakto | Redakto nëpërmjet kodit]