Kalaja e Skelës

Nga Wikipedia, enciklopedia e lirë
Shko te: navigacion, kërko
Gjurmët e Kalasë së Vlorës
Kalaja e Skelës is located in Shqipëria
Kalaja e Skelës
Gjurmët e Kalasë së Vlorës në hartë
Vendndodhja Vlorë, Qarku i Vlorës, Shqipëri
Koordinatat 40°27′18″N 19°29′07″E / 40.4550725°N 19.4853687°E / 40.4550725; 19.4853687Koordinatat: 40°27′18″N 19°29′07″E / 40.4550725°N 19.4853687°E / 40.4550725; 19.4853687
Organi drejtues DRKK Vlorë
Emri zyrtar: Monument i trashëgimisë kulturore
Lloji Nën mbrojtje
Kriteret I
Nr. i referencës VL032

Kalaja e Skelës është një monument i trashëgimisë kulturore në rrethin e Vlorës, në qarkun e Vlorës, Shqipëri [1] Kalaja është ndërtuar nga Sulejmani i Madhërishëm në vitin 1531. Kalaja ka qënë rreth 4 kilometra larg nga qyteti. Kështjella e Skelës ka ekzistuar e plotë dhe e mirëmbajtur deri në fillim të shekullit XX. Për fat të keq ajo u shkatërrua në vitin 1906, gurët e mureve të saj u përdorën si material për të ndërtuar rrugën Vlorë-Skelë. Në vitin 1978, gjatë punimeve për hapjen e themeleve për ndërtimin e Pallatit të Sportit në Vlorë, punëtorët hasën në gjurmët e mureve të kalasë shumëshekullore. Megjithatë, gjurmët u mbuluan dhe, ato çka kishin mbetur nga kështjella, humbën nën themelet dhe muret e pallatit të sportit Flamurtari [2].

Historia[redakto | redakto tekstin burimor]

Historianit turk Evlia Çelebiu ka dëshmuar se kalaja kishte formë tetë-këndore, 15 metra e lartë dhe gjatësinë e një brinje e kishte 90 metra, largësinë mes dy këndeve e kishte 205 metra dhe rrethohej nga një kanal 9 metra i gjerë, që e lidhte atë me detin [2].

Nga një studim më i detajuar rezulton se historia e këtij objekti është edhe më e hershme. Sipas historianëve vlonjatë, pararendësja e tij është e ashtuquajtura “Kështjella veneciane”. Vlora e mesjetës shtrihej përgjatë Skelës së sotme, pranë kështjellës tetë-këndore të rrënuar. Ajo përkon me kështjellën “Castrum Avellonen” e kohës së mesme, të shekullit XIII dhe kishte prejardhje bizantine. Madje, këtu historianët zbulojnë një fakt interesant, që lidhet me një dokument të 7 shtatorit të vitit 1284, kur, Mbreti Karl Anzhu, lavdëron kështjellarët e Vlorës për kujdesin që kishin treguar për mbrojtjen e kështjellës. Në këto kushte, saktësohet se në vitin 1466, Vlora ishte e kërcënuar prej flotës evropiane dhe për këtë arsye, turqit forcuan kështjellën e dikurshme Kështjellën veneciane. Osmanët e mbajtën atë qendër, si pikë detare me rëndësi për të mbrojtur kufijtë perëndimorë të perandorisë nga çdo kërcënim apo sulm që mund të vinte [2].

Referencat[redakto | redakto tekstin burimor]

  1. ^ LISTA E MONUMENTEVE: RRETHI I VLORËS (PDF). Instituti i Monumenteve të Kulturës - Ministria e Kulturës. Retrieved 15 korrik 2017.  Check date values in: |access-date= (help)
  2. ^ a b c "Historia e ‘humbjes’ së Kalasë së Skelës- Kalaja me vlera të rralla historike". ata.gov.al. Agjencia Telegrafike Shqiptare. 4 shkurt 2014. Retrieved 2 shkurt 2016.  Check date values in: |access-date=, |date= (help)

Lidhje të jashtme[redakto | redakto tekstin burimor]