Kristo Dako

Nga Wikipedia, enciklopedia e lirë
Jump to navigation Jump to search
Kristo Dako
Kristo Dako.jpg
Ministër i Arsimit
7 dhjetor – 12 dhjetor 1921
Paraardhësi: Haki Tefiku
Pasardhësi: Aleksandër Xhuvani
Të dhënat personale
Lindi më: 24 dhjetor 1876
Lindi në: Korçë, Perandoria Osmane
Vdiq më: 16 dhjetor 1941
Vdiq në: Tiranë, Mbretëria Shqiptare (1939-43)
Kombësia: shqiptar
Profesioni: nëpunës, arsimtar

Kristo Dako (Korçë, 24 dhjetor 1876Tiranë, 16 dhjetor 1941) ka qenë veprimtar i mërgatës shqiptare, ministër i shtetit shqiptar dhe arsimtar. Vepra e tij "Shënime Historike nga jeta dhe vepra e N.M.T. Zogu I - Mbreti i Shqiptarëve", e botuar nga shtëpia botuese "Kristo Luarasi" e bën të jetë biografin e parë të Ahmet Zogut.

Biografia[redakto | përpunoni burim]

U lind në Korçë më 24 dhjetor 1876, i biri i Anastas Dakos. Më 1887 Dako emigroi në Bukuresht, Rumani, ku mbaroi shkollën e mesme më 1898, dhe më 1902 Fakultetin e Matematikës. Nga ky vit u u aktivizua në shoqëritë Shpresa dhe Dituria të kryeqytetit rumun. Më pas shkoi në Shtetet e Bashkuara, ku ndoqi dhe mbaroi Fakultetin e Filozofisë në Universitetin e Oberlindit në vitet 1906-1913.[1]

Më 1908 u kthye në atdhe dhe më 1909 qe pjesëmarrës në Kongresin e Elbasanit. Më 1913 u zgjodh president dhe redaktor i gazetës Dielli, organ i Federatës Mbarëshqiptare Vatra më 1913.[1][2] Dako mori më vonë pjesë në Konferencën e Paqes së Parisit më 1919. Dako është takuar dy herë me presidentin e Shteteve të Bashkuara Woodrow Wilson, për t'i shpjeguar atij interesat kombëtare të Shqipërisë.[3]

Më 1921-1922 qe deputet i Partisë Përparimtare dhe më pas u bë pjesë e "Bashkimit të Shenjtë". Më 1921 u caktua ministër i Arsimit në qeverinë pakditore të Hasan Prishtinës gjatë krizës së dhjetorit. Më pas u tërhoq nga politika dhe iu përkushtua arsimit. Më 2 tetor 1922 hapet instituti "Kyriaz", më 11 prill 1925 iu vendos guri i themelit në godinën e re në Kamëz.[1]

Ndërroi jetë më 16 dhjetor 1941 në Tiranë.[1]

Referencat[redakto | përpunoni burim]

  1. ^ a b c d Dervishi, Kastriot (2012). "Kryeministrat dhe ministrat e shtetit shqiptar në 100 vjet". "55". f. 107-108.  9789994356225. 
  2. ^ Schwandner-Sievers, Stephanie (2002). Albanian identities: myth and history. Indiana University Press. f. 71.  978-0-253-21570-3. 
  3. ^ USPQ. "Kristo Anastas Dako". Universiteti Sevasti e Parashqevi Qiriazi. Marrë më 2010-12-16.