Misioni i OSBE-së në Kosovë

Misioni i OSBE-së në Kosovë (OMiK) është një mision në terren i Organizatës për Siguri dhe Bashkëpunim në Evropë që vepron në Kosovë. Misioni u vendos në korrik 1999 për të mbështetur Misionin e Administratës së Përkohshme të Kombeve të Bashkuara në Kosovë (UNMIK) në fushën e demokratizimit, ndërtimit të institucioneve dhe të drejtave të njeriut në Kosovë.^[1]

Mandati

Mandati i misionit është përcaktuar në Vendimin e Këshillit të Përhershëm të OSBE-së nr. 305 të datës 1 korrik 1999.^[2] Misioni përbën një nga shtyllat e Misionit të Administratës së Përkohshme të Kombeve të Bashkuara në Kosovë lidhur me demokratizimin, ndërtimin e institucioneve dhe të drejtat e njeriut. Objektivat kryesore të mandatuara ishin themelimi i një shkolle policore për të trajnuar oficerët për Shërbimin e ri Policor të Kosovës, për të trajnuar anëtarët e gjyqësorit, për të organizuar dhe monitoruar zgjedhjet, për të mbështetur zhvillimin e shoqërisë civile, organizatave joqeveritare dhe partive politike, të themelojë një institucion të Ombudsmanit dhe të monitorojë dhe mbrojë të drejtat e njeriut.

Shefat e Misionit

Shefi aktual i misionit është Michael Davenport.^[3]

Shefi	Vendi	Mandati i detyrës
Dan Everts	Holanda	1999–2001
Pascal Fieschi	Franca	2001–2005
Werner Wnendt	Gjermania	2005–2007
Tim Guldimann	Zvicra	2007–2008
Werner Almhofer	Austria	2008–2012
Jean-Claude Schlumberger	Franca	2012–2016
Jan Braathu	Norvegjia	2016–2020
Michael Davenport	Britania e Madhe	2020–tani