Nikola Gruevski
| Nikolla Gruevski Никола Груевски | |
| Kryeministri i 6-të i Maqedonisë | |
| 27 Gusht 2006 – 18 Janar 2016 | |
| Paraardhësi: | Vlado Buçkovski |
| Pasardhësi: | Emil Dimitriev |
| Lideri i Opozitës | |
| 31 Maj 2017 – 23 Dhjetor 2017 | |
| Paraardhësi: | Zoran Zaev |
| Pasardhësi: | Hristijan Mickovski |
| Ministri i Financave | |
| 27 Dhjetor 1999 – 11 Janar 2002 | |
| Paraardhësi: | Boris Stojmenov |
| Pasardhësi: | Petar Gosev |
| Të dhënat personale | |
| Lindi më: | 31 Gusht 1970 |
| Lindi në: | Shkup, ish-Republika Jugosllave e Maqedonisë, (tani Maqedonia e Veriut) |
| Shkolla e kryer: | Universiteti Kirili dhe Metodi |
| Partia politike: | VMRO-DPMNE |
Nikolla Gruevski (maqedonisht: Никола Груевски – i lindur më 31 Gusht 1970) është një politikan maqedonas nga Maqedonia e Veriut që shërbeu si Kryeministër i Maqedonisë së atëhershme nga 2006 në 2016 dhe udhëhoqi partinë VMRO-DPMNE nga 2003 në 2017. Më parë, ai ishte Ministër i Financave në qeverinë e VMRO-DPMNE të udhëhequr nga Ljubčo Georgievski deri në 2002.
Sipas Marrëveshjes së Përzhinos të ndërmjetësuar nga Bashkimi Evropian, Gruevski pranoi të japë dorëheqjen dhe u largua nga posti i tij në 18 Janar 2016.
Në maj 2018 ai u dënua me dy vjet burg për akuza korrupsioni. Në nëntor 2018 ai u urdhërua të vuante dënimin e tij por dështoi të bënte check-in me autoritetet dhe në vend të kësaj u largua në Hungari, ku ai kërkoi dhe iu dha azil politik.
Gruevski është akuzuar për promovimin e politikës së diskutueshme të identitetit të quajtur antikizim . Nën udhëheqjen e tij, vendi i cili kishte politikë pro-evropiane dhe pro-NATO-s, ka ndryshuar anën në atë pro-ruse, pro-serbe dhe anti-perëndimore. Gruevski ka kundërshtuar traktatin e Miqësisë të nënshkruar me Bullgarinë në 2017 dhe marrëveshjen e Prespës të nënshkruar me Greqinë në 2018, pavarësisht se të dy shtetet fqinje ishin anëtare të NATO-s dhe BE-së.