Sandër Lleshaj

Sandër Lleshi
Skeda:Sandër Lleshi.jpg
Ministër i Brendshëm
Në detyrë 16 nëntor 2018 – 10 dhjetor 2020
Paraprirë nga	Fatmir Xhafaj
Pasuar nga	në detyrë
Të dhëna vetjake
U lind më	25 janar 1963 Mërkurth, Republika Popullore e Shqipërisë
Nënshtetësia	shqiptar
Bashkëshortja/et	Violeta
Fëmijët	Dorotea, Anton
Punësimi	ushtarak, nëpunës

Sandër Lleshaj (Mërkurthi, 25 janar 1963) ka qenë gjeneral brigade i ushtrisë shqiptare dhe ministër i Brendshëm i Republikës së Shqipërisë.

Biografia

U lind në Mërkurth të Mirditës më 25 janar 1963. Qëndroi në vendlindje deri në moshën 14-vjeçare.

Sa i takon arsimit në fushën ushtarake, ai fillon në periudhën 1978-1985 kur kreu shkollën e mesme ushtarake “Skënderbej” dhe Akademinë Ushtarake. Nga viti 1994 deri në 1999 kreu një sërë kursesh, si: i gjuhës gjermane në Akademinë e Mbrojtjes Kombëtare në Vjenë (Austri); kurs i avancuar i gjuhës gjermane në Institutin Federal të Gjuhëve (Bundessprachenamt) në Gjermani; kurs i komandantit të Batalionit në Shkollën e Artilerisë Kundërajrore në Rendsburg, Gjermani; kurs i Shtabit të Përgjithshëm në Akademinë e Drejtimit në Hamburg, Gjermani, dhe kurs i Sigurisë Europiane në Akademinë e Drejtimit në Hamburg, Gjermani. Në 2008-n, Lleshaj përfundoi Seminarin e Lartë Ekzekutiv në Qendrën për Studime të Sigurisë Europiane, George C. Marshall në Garmisch-Partenkirchen, Gjermani. Në 2011-in përfundoi Kursin e Lartë Ndërkombëtar për Menaxhimin e Mbrojtjes në Shkollën Pasuniversitare të Marinës në Monterey, Kalifornia, SHBA.

Mbajti prej vitit 2010 postin e zv.shefit të Shtabit të Përgjithshëm të Forcave të Armatosura të Shqipërisë. Në periudhën 1996-2000, gjeneral Lleshaj ka qenë komandant i Kurseve në Akademinë e Mbrojtjes në Tiranë dhe më pas, për tre vjet të tjerë, ishte komandant i Akademisë Ushtarake “Skënderbej”. Në vitet 2003-2006 shërbeu si atashe i Mbrojtjes i Republikës së Shqipërisë në Gjermani.

Botime

• "Skënderbeu" ose misioni i pamundur i Schmitt-it - 2009