The State (libër)

The State

Autor	Franz Oppenheimer
Titulli origjinal	'Der Staat'
Shteti	Perandoria gjermane
Tema	Shteti
Zhanri	Sociologji politike

The State (Gjermanisht: Der Staat; Shqip: Shteti) është një libër nga sociologu gjerman Franz Oppenheimer, botuar së pari në Gjermani në vitin 1908. Oppenheimer e shkruajti librin në Frankfurt am Main gjatë vitit 1907, si një fragment të katër vëllimeve të veprës System of Sociology, një vepër e rëndësishme interpretative për kuptimin e evolucionit shoqëror; vepër për të cilën ai punoi nga vitet 1890 deri në fund të jetës së vet. 

Vepra përmbledh teorinë e përgjithshme të Oppenheimerit rreth origjinës, zhvillimit dhe transformimeve të ardhshme të shtetit. Libri The State, lexohej dhe diskutohej gjerësisht në fillim shekullin e njëzetë.Libri u prit mirë - dhe pati ndikime - në audienca të ndryshme, që prej izraelianëve halutzim, komunitarianëve amerikanë dhe sllavë, tek Kancelari i Gjermanisë Perëndimore Ludwig Erhard, dhe anarko-kapitalistët si Murray Rothbard.

Oppenheimer - një liberal klasik dhe simpatizant sociialist - e shikonte kapitalizmin si "një sistem shfrytëzimi dhe të ardhurat kapitale si një fitim nga një i tillë shfrytëzim", por fajin nuk ia jepte tregut të lirë (kapitalizmit), por ndërhyrjes së shtetit në ekonomi. Pamja që ka Oppenheimeri për shtetin është thellësisht e kundërt me karakterizimin asokohe dominant të propozuar nga G. W. F. Hegel, që e shikonte shtetin si një arritje të admirueshme të civilizimit modern. Proponentët e kësaj rryme e shikonin shtetin si një entitet që u zhvillua ndërsa grupe gjithnjë e më të mëdha njerëzish "binin dakord" të nënshtronin interesin e vet privat ndaj të mirës së përbashkët.

Në të kundërt, pikëpamja e Opphenheimerit ishte një avancim i "teorisë së pushtimit" të shtetit që u zhvillua gjatë fund shekullit të 19-të nga Ludwig Gumplowicz. Sipas kësaj teorie, shteti erdhi në ekzistencë nëpërmjet luftës dhe pushtimit, një pasojë e të cilës ishte edhe vendosja e klasave shoqërore; pushtuesit dominues dhe të pushtuarit e nënshtruar. Kjo, mëpastaj, solli lindjen e një sistemi politik për të konsoliduar fuqinë e pushtuesve, për të përjetësuar dhe rregulluar ndarjet shoqërore. Pikëpamja e Oppenheimerit ndikoi eseistin dhe teoristin amerikan Albert Jay Nock (që shkruante në gjysmën e parë të shek. të 20-të), të theksonte se, "Të marrësh Shtetin kudo ndodhet, duke goditur në historinë e tij në çdo pikë, njëri nuk shikonë asnjë rrugë për të dalluar aktivitetet e themeluesve, administratorëve dhe përfituesve të tij nga ato të klasës kriminale profesionale."

Historia e botimeve

The State u botua fillimisht në Germani në 1908. Në vitin 1922 pati në edicion anglisht të librit. Ndërsa në vitin 1929 një tjetër edicion gjerman me disa ndryshime.

• Oppenheimer, Franz (1972). The State; Its History and Development Viewed Sociologically. New York: Arno Press. ISBN 0-405-00433-8. {{cite book}}: Mungon ose është bosh parametri |language= (Ndihmë!)
• Oppenheimer, Franz (1975). The State. New York: Free Life Editions. ISBN 0-914156-04-7. {{cite book}}: Mungon ose është bosh parametri |language= (Ndihmë!)
• Oppenheimer, Franz (1997). The State. Fox & Wilkes. ISBN 0-930073-23-1. {{cite book}}: Mungon ose është bosh parametri |language= (Ndihmë!)
• Oppenheimer, Franz (1997). The State. Fox & Wilkes. ISBN 0-930073-22-3. {{cite book}}: Mungon ose është bosh parametri |language= (Ndihmë!)
• Oppenheimer, Franz (1999). The State: Its History and Development Viewed Sociologically. New Brunswick: Transaction Publishers. ISBN 1-56000-965-9. {{cite book}}: Mungon ose është bosh parametri |language= (Ndihmë!)
• Oppenheimer, Franz (2007). The State. Montréal: Black Rose Books. ISBN 1-55164-300-6. {{cite book}}: Mungon ose është bosh parametri |language= (Ndihmë!)

Lidhje të jashtme

• The State, versioni anglisht i vitit 1922.