Shyqri Nimani
Shyqri Nimani (Shkodër, 6 maj 1941 - Prishtinë, 22 qershor 2023) ishte piktor, dizenjues grafik dhe pedagog shqiptar. Është i mirënjohur nëpër hapësirat shqiptare për kaligrafimin me dorë në pergamen të Deklaratës së Shpalljes së Pavarësisë së Kosovës, në vitin 2008.
Biografia
[Redakto | Redakto nëpërmjet kodit]U lind në Shkodër më 6 maj 1941 në një familje me prejardhje nga Gjakova të shpërngulur para Luftës së Dytë Botërore në Shqipëri,[1] i biri i Ramiz Shyqri Nimanit dhe Hatmane Batushës; i ati kishte qenë oficer i Mbretërisë Shqiptare.[2] Shkollën e Mesme të Artit e kreu në Pejë me sukses të shkëlqyeshëm. U diplomua në Akademinë e Arteve Aplikative në Beograd në vitin 1967, me notën maksimale 10. Studimet pasuniversitare i kreu më 1969 në të njëjtën Akademi. Profesor ordinar në Fakultetin e Arteve të Prishtinës. Në vitet 1976 – 1978 ka qëndruar në Japoni si bursist i qeverisë japoneze për hulumtim artistik. Në vitet 1979 – 1989 ka qenë drejtor i Galerisë së Arteve të Kosovës. Ka qenë dekan i Fakultetit të Arteve nga viti 1991 – 1994. Merrej me pikturë, grafikë, dizajn dhe me disiplina të tjera të arteve figurative. Ka botuar monografi për artin mesjetar dhe bashkëkohor shqiptar. Ka përkthyer edhe libra nga gjuhë të huaja.
Referime
[Redakto | Redakto nëpërmjet kodit]- ^ Krasniqi, Erëmirë (30 nëntor 2016). "Shyqri Nimani". oralhistorykosovo.org. Marrë më 20 mars 2022.
{{cite web}}: Mirëmbajtja CS1: Gjendja e adresës (lidhja) - ^ Nimani, Shyqri. "Jeta unikale e kaligrafistit të Deklaratës së Pavarësisë". revistateuta.com. Intervistuar nga Faik Hoti. Marrë më 20 mars 2022.
{{cite web}}: Mirëmbajtja CS1: Gjendja e adresës (lidhja)