Big Bang

Sipas teorisë së Bumit të Madh, gjithësia lindi nga një gjendje tejet e ngjeshur dhe e nxehtë (singulariteti). Që atëherë hapësira zgjerohet, së bashku me galaksitë.

"Bumi i Madh" (ose shpërthimi i madh) është një term i përdorur në teorinë kozmologjike e cila pohon se gjithësia lindi nga një gjendje tmerrësisht e ngjeshur dhe e nxehtë rreth 13.7 ± 0,2 miliardë vjet më parë. Kjo teori bazohet në vëzhgimet që tregojnë zgjerimin e hapësirës sipas modelit Robertson-Uoker të teorisë së relativitetit të përgjithshëm, siç tregohet nga zhvendosja e së kuqes të ligjit të Habllit nga galaksitë e largëta (që tregojnë së gjithësia po zmadhohet dhe po ftohet) të marra së bashku me parimin kozmologjik. Shumë dijetarë arsyetojnë, nëse gjithësia po zmadhohet dhe ftohet, rrjedhimisht ajo para çastit të krijimit duhet të ketë qënë tejet e vogël dhe e nxehtë dhe çdo gjë në gjithësi duhet të ketë qënë shumë e ngjeshur, ndoshta si një singularitet (një lakore e pafundme në hapësirë-kohë, të tilla si me ato të gjetura tek vrimat e zeza).

Bumi i madh nuk duhet të kuptohet si një "shpërthim" i madh në një hapësirë të dhënë, por si një lindje e përbashkët e lëndës, hapësirës dhe kohës nga një veçori rëndesore ose singularitet.

Disa njerëz, duke përfshirë edhe udhëheqës fetarë, e shohin teorinë e bumit të madh si të gabuar dhe e qortojnë këtë teori si mit modern të krijimit. Ata besojnë se Perëndia e krijoi gjithësinë.

Emërtimi "bumi i madh" (anglisht Big Bang) u sajua dhe u përdor për herë të parë nga Fred Hojl në një emision radiofonik të BBC, me titullin Nature of Things (natyra e gjërave). Teksti u botua në vitin 1950. Dojli nuk e përdori emërtimin për të përshkruar një teori, por për të ironizuar idenë e re. Ndoshta ka qënë edhe një "kunj" lidhur me Xhorxh Gemou, atë kohë përkrahës kryesor i teorisë, i cli kishte punuar në zhvillimin e bombës atomike. Megjithëkëtë emërtimi mbeti në perdorim edhe pse u përdor me qëllim tjetër.

Shpjegimet fetare

Teoria e Bumit të Madh është një teori shkencore, dhe si e tillë mvaret nga përputhjet me vëzhgimet e saj. Por si teori e cila cakton prejardhjet e realitetit, është mpleksur gjithmonë me teologjinë dhe filozofinë. Në vitet 1920 dhe 1930 pothuajse çdo kozmolog i madh parapëlqente një gjendje të qëndrueshme e të amshuar të gjithësisë, dhe disa ankoheshin se fillimi i kohës trajtuar nga Bumi i Madh sillnin koncepte fetare në fizikë; ky kundërshtim u përsërit më vonë nga përkrahësit e teorisë së gjendjes së qëndrueshme. Kjo vërejtje u përforcua nga fakti se nismëtari i teorisë së Bumit të Madh, Imzot Zhorzh Lemetrë, ishte prift katolik.

Që nga pranimi i teorisë së Bumit të Madh si shembull mbizotërues fizik e kozmologjik, ka pasur një sërë reaksionesh nga grupe fetare dhe kozmologjike. Disa i pranojnë faktet shkencore, ndërsa të tjerët kërkojnë ta përshtasin Bumin e Madh me besimet e tyre fetare, dhe të tjerë nuk e pranojnë aspak apo i shpërfillin dëshmitë e Bumit të Madh.

Shiko edhe

• Kozmologjia

Lidhje të jashtme

• Wright, Edward L., "Histori e shkurtër e gjithësisë"
• "Mirëse erdhët tek historia e gjithësisë". Penny Press Ltd.
• PBS.org, "Nga Bumi i Madh tek Fundi i Gjithësisë. Të fshehtat e Hapësirës së Thellë në Kohë"
• D'Agnese, Joseph, "Bumi i Fundit i Madh i lënë në këmbë nga njeriu, fizikani Ralf Alfer sajon Teorinë e Bumit të Madh të Gjithësisë". Discover, July, 1999.
• Udhëzuesi kozmologjik i Ned Rajtsit
• [undefined] Error: {{Lang-xx}}: no text (help) Seksioni i blogshkences i dedikuar Big Bang-ut ose Bumit te Madh