Tempulli Rameshvara në Narasamangala

Pamje e tempullit Rameshvara

Tempulli Rameshvara (i shkruar edhe Rameshwara ose Ramesvara) është një tempull hindu që gjendet në qytetin e Narasamangala-s të distriktit Chamarajanagar në shtetin indian Karnataka. Tempulli është ndërtuar gjatë shekullit të IX nga dinastia perëndimore Ganga e Talakadit.

Plani i tempullit

Plani i tempullit është i thjeshtë, megjithëse ka një strukturë sipërore unike (kullë ose shikhara) që është bërë me tulla dhe stuko. Vimana (faltore me kullë) është njëmbëdhjetë metra e lartë dhe qëndron mbi një platformë me modelime (të quajtur adhishthana) që është dy metra e lartë. Ka një shenjtërore (garbhagriha), një holl të ngushtë të mbyllur (ardhamantapa ose thjeshtë mandapa e brendshme) dhe një holl të madh të mbyllur (mahamantapa). Arkitektura është thelbësisht Dravidiane në stilin Ganga. Disa nga skulpturat më të shquara në tempull përfshijnë atë të Nataraj-it (një formë e zotit hindu Shiva), saptamatrika-t (shtatë hyjnesha nëna të hinduizmit) dhe ajo e mbretit Ganga të ulur me mbretëreshën e tij përkrahë. Tempulli qe po ashtu edhe nën patronazhin e sunduesve të mëvonshëm të perandorisë Hoysala. Kjo është e dëshmuar nga dy tabelat me mbishkrime në gjuhën kannada (që i përkasin viteve 1291-1343) në sit që përshkruajnë dhurimet e bëra nga mbreti Veera Ballala III për hyjninë vendore të Narasamangalas, Ramanathadeva.

Galeri imazhesh

• 
  Dekorim i trarit dhe kornizës së derës në hyrje të mahamantapas.
• 
  Mbishkrim i vjetër kannada i mbretit Veera Ballala III.
• 
  Mbishkrim i vjetër kannada i mbretit Veera Ballala III.

Shiko edhe

• Arkitektura e dinastisë perëndimore Ganga
• Arkitektura Dravidiane
• Arkitektura e Karnatakas
• Arkitektura e tempujve hindu
• Tempulli Nageshvara në Begur
• Tempulli Kalleshvara në Aralaguppe
• Mbishkrimi Doddahundi nishidhi
• Tempulli Arakeshvara në Hole Alur

Bibliografia

• "Ramesvara temple". Archaeological Survey of India, Bengaluru Circle. Archaeological Survey of India. Arkivuar nga origjinali më 14 prill 2013. Marrë më 7 korrik 2012. {{cite web}}: Mungon ose është bosh parametri |language= (Ndihmë!)